loader
  • ሙዚቀኛው  ለማ ገ/ሕይወት(Lema Gebrehiwot) ማነው?

    @Abigel   4 months ago
    Sewasewer
  • loader Loading content ...
  • @Abigel   4 months ago
    Sewasewer

    የቡልጋው ተወላጅ ለማ ገ/ሕይወት በሀገር ባሕል ዜማ የታወቀና በተለይም ኃይለኛ የሆነ ድምፅ ያለው ድምጻዊ ነው።

    ለማ በ1942 ዓ.ም. በአዲስ አበባ ማዘጋጃ ቤት ተቀጥሮ በሙያው ተደንቆና ብዙ የወዳጅ አገሮችንም ጐብኝቶ በሕዝብ ዘንድም በመታወቁ ተደስቶ የኖረ ሰው ነበር። ለማ ብዙ ዜማዎች ደርሷል፣ ከእነርሱም መካከል « ያዘው ጐበዝ » የተባለው እና የሠርግ ዘፈኖቹም በሕዝብ ዘንድ በጣም ይወደዳሉ። የለማ ልዩ ስጦታው በሽለላ ላይ ያዘነበለ ነው ፤ ድምፁ ያለ ድምፅ ማጐያ የጐላ ነው።

    ለማ ከ፲፯ ዓመት ዕድሜው እስከ ፵፪ ዓ.ም. ድረስ በጦር ሠራዊትና በክብር ዘበኛ ወታደርነት ተቀጥሮ አገልግሏል፤ « የዜማ ፍቅር የያዘኝ በሕፃንነቴ ወራት በደን ከብቶችን በምጠብቅበት ወቅት እንደ ቀረርቶ የመሳሰሉትን ሳንጐራጉር ነበር » ሲል እራሱን አስተዋውቋል፤ ለማ ከድምጻዊነቱም በላይ « አይረሳም» በሚል አርእስት ስለኢትዮጵያ አርበኞች ታሪክ በግጥም የሚታወስ መጽሐፍ ደርስዋል።


    ምንጭ፣ የአንጋፋ አርቲስቶች መዝገበ የሕይወት ታሪክ።


  • loader Loading content ...

Load more...