loader
  • ሰነፍ ተማሪ።

    @አቦቸር   2 years ago
    መሳቅ፣ መሳቅ፣ አሁንም መሳቅ!
  • loader Loading content ...
  • @አቦቸር   2 years ago
    መሳቅ፣ መሳቅ፣ አሁንም መሳቅ!
    አንድ ሰነፍ ልጅ ገና መጀመሪያ ተማሪ ቤት የገባ እለት እንደ ደንቡ ፊደል መቁጠር ጀመረ። ከ"ሀ" እስከ "ፐ" ድረስ አንድ ጊዜ ብቻ የፊደሉን ተራ ወጣና ከሁለተኛው ላይ መምህሩ መልሶ ሲመራው "ሀ" በል ቢለው ተማሪው እንቢ አለ። ቢያባብለው ቢለምነው አሻፈረኝ እንቢ ብሎ እስከጭራሹ እያለቀሰ ሸሽቶ ከተማሪ ቤት ወጥቶ ሄደ።

    እያለቀሰ ሲሄድ አንድ ሰው አግኝቶት ምነው ምን አገኘህና እንዲህ ታለቅሳለህ ቢለው መምህሬ "ሀ" በል ቢለኝ እንቢ ብዬ በዚህ ተጣልተን ነው የማለቅሰው አለው። "ሀ" ለማለት ታዲያ ምን የሚያስቸግር ነገር አገኘህበት ብሎ ቢጠይቀው፣ እነዚህ መምህሮች መቼ ጣጣቸው በ"ሀ" ብቻ ያልቃል "ሀ" ስል "ሁ" በል ይሉኛል፣ "ሁ" ስል "ሂ" በል ይሉኛል፤ እንደዚህ እያሉ እስከ "ፐ" ድረስ የተፃፉትን ፊደሎች ሁሉ አንድ ባንድ ሲያስቆጥሩኝ ያለበት ድካም አንድ ጊዜ ቀምሼው አንገፈገፈኝ። ከእንግዲህ ወዲያ ይግደሉኝ እንጂ ምንም ቢሆን "ሀ" ብየ አልጀምርም ብሎ ተማሪው መለሰለትና እንደገና እያለቀሰ ወደ ቤቱ ሂደ።

    ምንጭ:
    • ታሪክና ምሳሌ (ከበደ ሚካኤል)

  • loader Loading content ...

Load more...