Do you believe Africa is yet to be fully documented?We do! And that’s why we developed Sewasew... Check it out!

loader
  • ሰው ለመሆን ብትፈልግ።

    @Hilina   1 year ago
  • loader Loading content ...
  • @Hilina   1 year ago
    • በዙሪያህ የሚገኙ ሰዎች ናላቸው ተናውጦ አላፊነቱን ሁሉም ባንተ ላይ ሲጥሉብህ አንተ ግን ሳትደነግጥ ነገሩን ሁሉ በርጋታ ተቀበለው።
    • ሰዎች በተረጠሩህ ጊዜ ልብህ አይሸበር። በራስህ ተማመን እንጂ ለምን ተጠረጠርኩ ብለህ ቅሬታ አይግባህ።
    • ደስታና መከራ ባገኘህ ጊዜ ሁለቱን በመጠንና በርጋታ ተቀበላቸው እንጂ በደስታ ጊዜ ፈንጠዝያ በመከራ ጊዜ መጨነቅ አታብዛ።
    • ሕይወትን መስዋዕት ያደረክለት ስራህ በፈረሰና በተናደ ጊዜ ይህን ክፉ ፈተና ተቀብለህ ተስፋ ሳትቆርጥ የጠፋውን ሁሉ መልሰህ ለማቇቇም በደከመ መሳሪያ ለመስራት ሳታመነታ ተነሳ።
    • ያለህን የሌለህን ገንዘብህን ሁሉ በአንድነት አከማችተህ ስትሰራበት ሁሉንም ባንድ ጊዜ ስትከስር አጣሁ፣ ከሰርሁ ብለህ ቃል ሳትተነፍስ አሁንም ሰርተህ ለማትረፍ ከስር ጀምረህ እንደገና አንድ ብለህ ድከም።
    • ዐሳብህ፣ ጉልበትህና ሥሮችህ ታክቶዋቸው በደከሙ ጊዜ ልብህ ብቻ አልሸነፍም ብሎ እንዲበረታቱና እንዲጠነክሩ ያስገድዳቸዋል።
    • ሙያህን ለማሳየት ሕዝብ ከተሰበሰበበት ጉባኤ መካከል ቀርበህ ስትናገር አይደናገርህ። ከንጉሦችም ፊት በደርስህ ጊዜ ፍርሀት ናላህን አያናውጠው።
    • የሚጠሉህ ጠላቶችህና ደግሞ የሚወዱህ ወዳጆችህ እንኯን ቢሆኑ በበደሉህና ባሳዘኑህ ጊዜ ቁስልህ ለልብህ አይሰማው።
    • ሰው ሁሉ ይመንህ እንጂ ማንም ቢሆን እጅግ አድርጎ አለመጠን አይተማመንብህ።
    • ያች ዳግመኛ የማትመለሰው አንዲትዋ ደቂቃ ትንሽ ናት ብለህ ሳትንቃት ስድሳ ሰኮንድ መሆንዋን አስበህ የሚጠቅም ስራ ሳትሰራ በከንቱ አታሳልፍ።
    ምንጭ
    • ታሪክና ምሳሌ (ከበደ ሚካኤል)

  • loader Loading content ...

Load more...