Do you believe Africa is yet to be fully documented?We do! And that’s why we developed Sewasew... Check it out!

loader
  • ነጭ ሽንኩርት (Garlic - Allium Sativum)

    @Ephrem Takele   1 year ago
  • loader Loading content ...
  • @Ephrem Takele   1 year ago
    ነጭ ሽንኩርት ከአመት አመት የሚዘልቅ አይደለም። ከ30 እስከ 90 ሴንቲ ሜትር ከፍታ ያድግና ከ5 እስከ 15 ራስ ይይዛል። በአውሮፓና በሴሜን አሜሪካ በብዛት ሲገኝ፣ በቅርቡ በሁሉም የምድር ወገ ሞቃታማ ሀገራት ተስፋፍቷል። ነጭ ሽንኩርት ለም እና ደረቅ ያለ አፈር ይወዳል።

     
                  የነጭ ሽንኩርት ተክል  

    ከ1700 አመት ጀምሮ የነጭ ሽንኩርት የመድሃኒት ኃይል ይተረካል። ተመራማሪዎች እንደሚያምኑት ኢሊሲን ሁሉንም ባይሆን ዓብዣኛውን የነጭ ሽንኩርት ፈውስ ንጥረ ነገሮችን የያዘው የሽታውም ምንጭ ነው። ሽንኩርት በሚጨፈለቅበት፣ በሚሠነጠቅበት ወይም በሚቆረጥበት ወቅት ኢንዛይም ከሚባል ንጥረ ነገር ጋር ሲገናኝ ሽታው ይፈጠራል።


                  ነጭ ሽንኩርት ራስ

    የአካል ብቃት መከላከያን መገንባት - ዘውትር ነጭ ሽንኩርት መውሰድ:
    • የልብ ህመም መያዝን
    • የድንገተኛ በሕመም መመታትን
    • ካንሰርን
    • የደም ብዛትን እና
    • የኢንፍሉዌንዛ ዓጋጣሚዎችን ለመቀነስ ይረዳል።
    ይህም:-
    • የኮሌስትሮል መጠንን ከደም ውስጥ በመቀነስ
    • የደም መርጋት የሚያስከትሉትን ሁኔታዎች በመስበር
    • ጀርሞችን፣ ቫይረሶችንና ፈንገሶችን በመዋጋት ነው።
    በኢትዮጵያ መንጋጋ ቆልፍ ወረርሽኝ በገባ ጊዜ ህዝቡ ነጭ ሽንኩርት እንዲመገብ ስልጠና ተሰቶት ነበር። ይህን ያደረጉ ሳይሞቱ፣ ያልተመገቡት ግን በብዛት ሞተዋል።

    ነጭ ሽንኩርት ጠቃሚ የሆነባቸው በሽታዎች
    • ለሳል፣ ለጉንፋንና ለጉሮሮ ህመም
      • የሽንኩርቱን ራስ ፍንካች በቀን ሦስት ጊዜ ይመገቡት።
      • በየሰአቱ አንድ ማንኪያ የነጭ ሽንኩርት ማርን ይውሰዱ
      • ልጆችችም በሰአታት ልዩነቶች የነጭ ሽንኩርትን የስኳር ድብልቅ ይውሰዱ
      • አንድ ሻይ ማንኪያ የነጭ ሽንኩርት ዘይትን በቀን ስድስት ጊዜ ይውሰዱ
    • ለሳይነስ (የአፍንጫ ውስጥ) ህመም፣ ራስ ምታትና ሚግሬን
      • ከጊዜ ወደ ጊዜ በአፍንጫ ቀዳዳ የነጭ ሽንኩርት ዘይት ጠብታ ያድርጉ ወይም የሽንኩርቱን ራስ ፍንካች ጫፍ ቁረጡት ሁለቱም አፍንጫ ውስጥ ማድረግ።
    • ለወለምታ፣ ለኃይለኛ ህመም፣ የፈንገስ በሽታና የቆዳ በሽታ
      • የነጭ ሽንኩርቱን ዘይት የሚያምዎ ቦታ ላይ ማሸት
    • የስኳር በሽታ
      • በየቀኑ አዲስ ነጭ ሽኩርት ይመገቡ፣ ነጭ ሽንኩርትና ቀይ ሽንኩርት የደም ብዛትን ይቀንሳል።
    • የደም ብዛት
      • እንደ አስፈላጊነቱ ከ5-25 ጠብታ የነጭ ሽንኩርት መጠጥ በቀን ውስጥ በዛ አድርገው ይውሰዱ
    • ወባ
      • ነጭ ሽንኩርቱን በትንሽ በትንሹ ከትፎ አንድ የሻይ ማንኪያ ያህል በቀን 3 መዋጥ። በቀን ሁለት ሊትር የሎሚ ሳር ሻይ ይጠጡበት። ህክምናውን ለ5 ቀናት ይቀጥሉ። አስፈላጊ ሲሆን ፀረ ወባ መድሃኒት መጠቀም።
    • ኤድስ
      • የሰውነት የመከላከል አቅምን ለማጎልበት የበቀኑ ምግብዎ ውስጥ ነጭ ሽንኩርት ይጠቀሙ። ነጭ ሽንኩርት ለወባና ለኤድስ እንደ አጋዥ መድሃኒት እያገለገለ ነው።
    • በነፍሳት መነደፍ
      • ነፍሳት ሊወገዱ አይችሉም። የነፍሳት ንክሻን ወይም አለርጂን ተከትሎ መመረዝ ይኖራል። ነጭ ሽንኩርት ሕመሙ ላይ እሹበት፣ ወይም ነጭ ሽንኩርት ቁረጡና በፕላስተር እሰሩበት።

    ምንጭ       
    የተፈጥሮ መድኃኒት ሕክምና በምድር ወገብ ሞቃታማ አካባቢ (በዶ/ር ዲቴር ሹሞል ፤ ትርጉም:- በተሾመ ነጋሽ ካሣየ )
  • loader Loading content ...

Load more...