Do you believe Africa is yet to be fully documented?We do! And that’s why we developed Sewasew... Check it out!

loader
  • ዘርአይ ድረስ ማን ነው?

    @Dani   2 years ago
  • loader Loading content ...
  • @Abigel   1 year ago

    ጀግናው ዘርዓይ ድረስ የተወለዱት በኤርትራ ክፍለ ሐገር ሀዝጋ በተባለች መንደር  በ1908 ዓ.ም ነው፣  ኢትዮጵያም  በቀኝ ግዛት ተይዛ በነበረበት ጊዜ እ.ኤ.አ በግንቦት 1937 ዓም ገደማ የጣሊያን ዋና ከተማ በነበረችው  በሮማ በአስተርጏሚነት ሊሰሩ ሄዱ ።  ዘርዓይ ድረስ ወደ ጣሊያን ለመሄድ ሰበብ የሆናቸው ጣሊያንኛ ቇንቇ የማይችሉ ብዙ ኢትዮጵያውያን በዚያ በእስረኘነት ይኖሩ ስለነበረ እነሱን በማስተርጎም ለመርዳት ሲባል ነው ።

    ዘርዓይ ድረስ ትግርኛ ፣አማርኛ እና ጣሊያንኛ ቇንቇዎችን አጣርተው ይናገሩም ነበር ።  ሰኔ 7 1938 በሮም ፒያሳ ዲ ፒያሜንት በዶጋሊ ጦርነት ያለቁ 500 ጣሊያኖችን ለማሰብ ህዝቡ ተጠርቶ ይሰበሰባል ፣ ዘረዓይም በአደባባዩ እንዲገኙ ተጠርተው ነበር ። ወጣቱ ዘርዓይም  ወደ አድባባዩ የራስ አሉላ አባ ነጋን ፣ በ1871ዓ.ም በዶጋሊ ጦርነት ጀብዱ የፈፀሙበትን ጎራዴ ይዘው ሲጓዙ ጣሊያኖች ከለገሃር ነቅለው በወስዱት "የይሁዳ አንበሳ" በተባለው ሃዉልት (ዛሬ ተመልሶ ለገሃር ነው የሚገኘው) ዙርያ ተሰብስበው ሲሳለቁበት፣ የኢትዮጵያን ባንዲራም  አንጥፈው ሲረማመዱበት ይደርሳሉ ። በዚህ ጊዜ ዘረዓይ ንዴት ይገባቸዉና ሐውልቱን ከበው የቆሙትን ሰዎች በያዙት ጎራዴ ያስፈራራሉ ፣ ጉዳትም ያደርሳሉ ፣ ከዚያም በሃዉልቱ ላይ ቆመው "እናንት ጣሊያኖች ነፃነታችሁን ካገኛቹ ገና ጥቂት ጊዜ በመሆኑና ሰለ ነፃነት የምታውቁት ነገር አንድም ሰለሌለ ነዉራችሁን እዚህ በምታደርጉት ተገልፆዋል" እያሉ በቁጣ ንግግር አያደርጉ እንዳሉ አንድ በርቀት የቆመ የጣሊያን ወታደር ተኩሶ ከእግራቸው ላይ ከመታቸው በሇላ ይይዛቸዋል እናም ለፍርድ ያቀርቧቸዋል ። ከዚያም  "እብድ ነው" ብለው የአእምሮ ህመምተኞች ከሚታከሙበት ሆስፒታል ያስገቧቸዋል።  ከነፃነት መመለስ በሇላ  ዘርዓይ ድረስ ወደአገራቸው ኢትዮጵያ አንዲመለሱ ተወስኖ ለመምጣት በዝግጅት ላይ እንዳሉ በድንገት ከዚህ ዓለም በሞት ተለዩ ።

    ዘርዓይ ድረስን ድንገተኛ አሟሟት  እና መጨርሻ በተመለከተ  ጥላሁን ብርሀነ ስላሴ የተባሉ ፀሃፊ "የ 20ኛው ክፍለ ዘመን ኢትዮጵያ" ባሉት መፅሃፋቸው እንዲህ ይላሉ፤ 

    "ዘርዓይ ድረስ የፈጠረው ሁኔታ ጣሊያኖችን ስላስቆጣቸው፣ በንዴት ጣሊያን ሀገር ከነበሩት እስረኞች 147 ያህሉን ወደ አዚናራ የእስር ደሴት ሲወስዱ፣ ሌሎችን ደግሞ ሰብስበው ወደ ሞቃዲሾ አመጧቸው፡፡ ከነፃነት በኋላ ዘርዓይ ድረስ ወደ ሀገሩ ኢትዮጵያ እንዲመለስ ተወስኖ ሊመጣ ሲል ክትባት ነው ብለው በመርፌ በሰጡት መርዝ አድርገው ገደሉት"

    በሇላም ለስሙ ማስታወሻ የመጀመርያዋ  የኢትዮጵያ የጦር መርከብ  ዘርዓይ ድረስ ተብላ ተሰይማለች።  ዘርዓይ ድረስ ከሞቱ ከብዙ ዓመታት በሇላ ይልማ ሙናዬ የተባሉ ደራሲ " ዘርዓይ ድረስ" የሚል ታሪካዊ ተውኔት በመፃፍ ለመድረክ እና ለንባብ በማቅረባቸው በወጣቱ ትወልድ ዘንድ የዘርዓይ ድረስ ታሪክ እንዲታወቅ አድርገዋል ።   


    ምንጭ፡-
    "የ20ኛው ክፍለ ዘመን ኢትዮጵያ" በጥላሁን ብርሀነ ስላሴ
    “ኤርትራዊ ኩራቴ ሙሉ ነጻነቴ”  በግራዝማች አስገዶም ረዳ

  • loader Loading content ...

Load more...