Do you believe Africa is yet to be fully documented?We do! And that’s why we developed Sewasew... Check it out!

loader
  • የልመና ግጥሞች

    @Gosa   1 year ago
    ጎሳ ሰው ነው።
  • loader Loading content ...
  • @Gosa   1 year ago
    ጎሳ ሰው ነው።
    የተቸገሩ ሰዎች የሌሎችን ልቦና ለማራራት እና እጃቸውን እንዲዘረጉላቸው ለማድረግ በሚለምኑበት ጊዜ አሳዛኝ በሆነ በለሰለሰ እና በረቀቀ ድምፅ ልዩ ልዩ ግጥሞችን ያሰማሉ።

    ከግጥሞቻቸውም ውስጥ ምስጢራቸው ጥልቅ የሆኑ ብዙ ቃላት ይገኙባቸዋል፤ አካል ጉዳተኞች፣ ማየት የተሳናቸው፣ ህመምተኛ የሆኑና ጧሪ የሌላቸው ሽማግሌዎች ልብን በሚያሳዝንና በሚነካ ሁናቴ የአለምን ከንቱነት ያስገነዝባሉ።

    ሰው ዛሬ መልዓክ መስሎ ቢታይም ነገ አፈር ከመሆን አለመቅረቱን ያስረዳሉ፤ ከዚህም በኋላ የዚህ አለም ተድላና ደስታ ተካፋይ ባለመሆናቸው እያዘኑ በእነሱ ላይ የደረሰው መጥፎ እድል እንዳይገጥመን እንጠነቀቅ ዘንድ በአሳዛኝ ዜማ እና በተቃኙ ግጥሞች ይመክሩናል። ለምሳሌ:

    • ማየት የተሳናቸው ለማኞች ግጥም
    እንዴት አደራችሁ እንደምን አላችሁ፣
    እንዲሁ በመላ፤
    እናንተ በብርሃን እኔ በጭለማ።

    ብርሃን አይደለም ወይ ለፍጥረት አለሙ፤
    ምነው ለኔ ብቻ ቀኑ መጨለሙ።

    አይኔን ግንባር ያርገው ብላችሁ አትማሉ፤
    እጅግ ያስጨንቃል መሪ ማባበሉ።

    አይኔን ግንባር ያርገው ብሎ ይምላል ሰው፤
    መሪ ማባበሉን እንደኔ ባይቀምሰው።

    ከሁሉም ከሁሉም እውር ያሳዝናል፣
    እሜዳ ላይ ቆሞ ገደል ገባሁ ይላል።

    ሰርቼ በበላሁ ነበረ ምኞቴ፤
    ብርሃኔ ተይዞ ቢነሳኝ ጉልበቴ፣
    አልቅሼ በላለሁ እንደ ልጅነቴ።

    • እጅ፣ እግር ወይም ሌላ አካል ጉዳት ያለባቸው ለማኞች ግጥም
    እዩት እጄ ሞቶ፣ እዩት እግሬ ሞቶ፤
    ያስለፈልፈኛል ሆዴ ብቻ ቀርቶ።

    መሞቱን ይሞታል ሁሉም ያዳም ልጅ፤
    በቁሙ መፍረሱ ያሳዝናል እንጅ።

    እባክህ አምላኬ አለሁ አለሁ በለኝ፤
    ሆኛለሁ ገለባ ነፋስ የበተነኝ።

    ረሃብ ፀንቶብኝ ሥጮህ ወንድማችሁ፤
    ያንድዬ ወዳጆች አይጨክን ልባችሁ።

    ስለማርያም ብሎ ሲለምን ደካማ፤
    የተማረ እኮ ነው ቃሉን የሚሰማ።

    እናትና ልጁን ሁለቱን ያመነ፣
    እንኳንስ ሌላው ሰው በላዔ ሰብ ዳነ።

    መሬት አትቆጪ ቀስ ብዬ እረግጣለሁ፤
    አንቺ ላይ እኔ ስር መሆኔን አውቃለሁ።

    መሬት እረገጥኩሽ መልሼ መልሼ፣
    እንታረቃለን አካላቴን ክሼ።

    ረገጡኝ ብለህ መሬት አትቆጣ፤
    ሁሉም ረጋፊ ነው ልብሱን ቢያነጣጣ።

    ጣል ጣል አርጉበት ከምፅዓቱ ለኔ፤
    አላሳዝንም ወይ እንዲህ በመሆኔ።

    ምንጭ:
    የብላቴን ጌታ ማህተመ ስላሴ ወልደ መስቀል ስብስብ ስራዎች።
  • loader Loading content ...

Load more...