Do you believe Africa is yet to be fully documented?We do! And that’s why we developed Sewasew... Check it out!

loader
  • የመስቀል በዓል

    @ሊ/ትጉሃን እምሩ   2 years ago
  • loader Loading content ...
  • @ሊ/ትጉሃን እምሩ   2 years ago
    የመስቀል በዓል የሚከበረው መስከረም ፲፯ (17) ነው። ይህም በዓል በክርስትያኑ ዓለም ሁሉ ይከበራል። ታሪኩም ጌታ ኢየሱስ ክርስቶስ በመስቀል ላይ ሙቶ ከተነሳ በሗላ ህሙማን መስቀሉን እየዳሰሱ በመስቀሉ እየታሹ ይፈወሱ ነበር። በዚህም ተአምራት እየተሳቡ ብዙዎች ክርስትያን ሆኑ። ይህን ያዩም አይሁድ መስቀሉን ባንድ ቆሻሻ መድፊያ ቦታ ጣሉት። ከጊዜ ብዛትም ያ ቦታ እንደ ጉብታ ሆኖ ምስቀሉ ውስጥ ተደበቀ። በጊዜው ምንም እንኳን ክርስትያኖች መስቀሉን ማውጣት ባይችሉም ቦታውን ለይተው ያውቁት ነበር። በኋላ ግን በጥጦስ ወረራ ክርስትያኖች ኢየሩሳሌምን ጨርሰው ለቀው ስለወጡና የከተማዋም መልክ ፈፅሞ ስለተለወጠ መስቀሉ የተደፈነበት ቦታ ወዴት እንድሆነ ለማወቅ አልተቻለም። በዚህም ምክንያት ከ300 አመታት በላይ ተዳፍኖ ቆይቷል። 

    በአራተኛው ክፍለ ዘመን በ፫፻፳፯ (327) ዓም የንጉስ ቆስጠንጢኖሥ እናት ንግስት ዕሌኒ ይህን ታሪክ ትሰማ ነበርና አስቆፍራ ለማስወጣት ጎዞዋን ወደ ኢየሩሳሌም ቀጠለች። እዚያም ደርሳ ጉብታ የሆነውን ሁሉ ብታስቆፍር መስቀሉ ያለበትን አላገኘችውም፤ ስውም ብትጠይቅ የሚያውቅላት አላገኘችም። በመጨረሻ ግን የመስቀሉ መውጣት የእግዚአብሔር ፈቃዱ ነበርና አንድ አረጋዊ ስሙ ኪርያኮስ የሚባል (ኪራኮስ ድጓ) የዕሌኒን መቸገር አይቶ እንዲህ ብሎ ይመክራታል

      አንቺም አትድከሚ ሰውም በከንቱ አታድክሚ፤ እንጨት ሰብሥበሽ ከምረሽ እጣን አፍሺበት፤ በእሳትም ኣያይዢው፤ የእጣኑ ጢስ ወደላይ ወጥቶ ወደታች ሲመለስ አቅታጫውን አይተሽ አስቆፍሪው፤ በዚህም ምልክት ታገኝዋለሽ
     እሷም ያላትን ሁሉ አደረገች። ጢሡ ወደላይ ደርሶ ወድታች ሲመለስ መስቀሉ ያለበትን ያለበትን ቦታ በጣት ጠቅሶ እንደማሳየት ያክል አሳየ፤ ያን ምልክትም አይታ መስቀሉ አውታዋለች።

    በኢትዮጵያም በአሉ ከመስከረም (ከጥቢ) ጋር መያያዙ በተለየ ድምቀት እንዲከበር አድርጎታል። በዋዜማው ማለትም መስከረም 16 ካህናት ችቦ ተሰብስቦ በተደመረ ደመራ ፊት ለፊት ፀሎት አድረሰው ቀጥሎም ህዝቡ "ኢሆሃ አበባየ መስከረም ጠባዬ" እያሉ ይጨፍራሉ። ይህ በአል በኢትዮጵያ ኦርቶደክስ ቤተክርስትያን ቀኖና መሰረት ከዘጠኙ ንዑስ በዓላት አንዱ በዓል ነው። 


                    የመስቀል በዓል አከባበር በመስቀል አደባባይ፣ አዲስ አበባ



                     መስቀል አደባባይ ፣ አዲስ አበባ (ደመራው ከመቃጠሉ በፊት አባቶች ፀሎት ሲያደርሱ)


    ምንጭ:-    
              የኢትዮጵያ ኦርቶዶክስ ተዋህዶ ቤተክርስትያን ታሪክ (አቡነ ጎርጎርዮስ)

  • loader Loading content ...
  • @Abigel   1 year ago
    በጣም አመሰግናለሁ ሊ/ትጉሃን እምሩ፣ እንካን ለመስቀል በዓል አደረሳቹ!
  • @Adugna   1 year ago
    መልካም የመስቀል በዓል፣ እንኳን በሰላም አደርሳቹ!

Load more...