Do you believe Africa is yet to be fully documented?We do! And that’s why we developed Sewasew... Check it out!

loader
  • የመጨረሻ ምክር እና ሰላምታ (1ኛ ወደ ተሰሎንቄ ሰዎች፣ ምዕራፍ 5 ፣ 12-28)

    @Mikurab Zeleke   1 week ago
  • loader Loading content ...
  • @Mikurab Zeleke   1 week ago
    1. -
    2. ወንድሞች ሆይ፥ በመካከላችሁ የሚደክሙትን በጌታም የሚገዙአችሁን የሚገሥጹአችሁንም ታውቁ ዘንድ፥ ስለ ሥራቸውም በፍቅር ከመጠን ይልቅ ታከብሩአቸው ዘንድ እንለምናችኋለን። እርስ በርሳችሁ በሰላም ሁኑ።
    3. ወንድሞች ሆይ፥ እንመክራችኋለን፤ ያለ ሥርዓት የሚሄዱትን ገሥጹአቸው፤ ድፍረት የሌላቸውን አጽኑአቸው፤ ለደካሞች ትጉላቸው፤ ሰውን ሁሉ ታገሡ።
    4. ማንም ለሌላው በክፉ ፈንታ ክፉ እንዳይመልስ ተጠንቀቁ፥ ነገር ግን ሁልጊዜ እርስ በርሳችሁ ለሁሉም መልካሙን ለማድረግ ትጉ።
    5. ሁልጊዜ ደስ ይበላችሁ፤
    6. -
    7. ሳታቋርጡ ጸልዩ፤ በሁሉ አመስግኑ፤ ይህ የእግዚአብሔር ፈቃድ በክርስቶስ ኢየሱስ ወደ እናንተ ነውና።
    8. መንፈስን አታጥፉ፤
    9. -
    10. ትንቢትን አትናቁ፤ ሁሉን ፈትኑ መልካሙንም ያዙ፤
    11. ከማናቸውም ዓይነት ክፉ ነገር ራቁ።
    12. የሰላምም አምላክ ራሱ ሁለንተናችሁን ይቀድስ፤ መንፈሳችሁም ነፍሳችሁም ሥጋችሁም ጌታችን ኢየሱስ ክርስቶስ በመጣ ጊዜ ያለ ነቀፋ ፈጽመው ይጠበቁ።
    13. የሚጠራችሁ የታመነ ነው፥ እርሱም ደግሞ ያደርገዋል።
    14. ወንድሞች ሆይ፥ ስለ እኛ ጸልዩ።
    15. ከወንድሞች ሁሉ ጋር በተቀደሰ አሳሳም ሰላምታ ተሰጣጡ።
    16. ይህ መልእክት ለቅዱሳን ወንድሞች ሁሉ እንዲነበብ በጌታ አምላችኋለሁ።
    17. የጌታችን የኢየሱስ ክርስቶስ ጸጋ ከእናንተ ጋር ይሁን፤ አሜን።

    ምንጭ፤
    አማርኛ መፅሃፍ ቅዱስ ፣ የኢትዮጵያ መጽሃፍ ቅዱስ ማህበር።
  • loader Loading content ...

Load more...