Do you believe Africa is yet to be fully documented?We do! And that’s why we developed Sewasew... Check it out!

loader
  • የአንድ ባለጠጋ በረት ውስጥ ያለ ሁከት።

    @wubante   1 year ago
  • loader Loading content ...
  • @wubante   1 year ago
    ቁጥራቸው ወደ አንድ ሺህ የሚጠጋ የቀንድ ከብቶች የነበሩት አንድ ከብት አርቢ የሆነ ባለጠጋ ሰው "እነሆ ከጥቂት ቀን ወዲህ ከብቶቼ ሌሊት ለሊት በበረታቸው ውስጥ እርስ በእርሳቸው እየተተራመሱ ሲታወኩ ያድራሉ። ከዚህም ቀደም በመካከላቸው ይህን የመሰለ ሁከት አልነበረም። አሁን ግን ይህ የሆነበት ምክንያት ጠፍቶኛል፤ ምን ይሆን" ብሎ ጎረቤቶቹን ቢያማክራቸው፤ አስተዋይ የሆነ አንድ ሽማግሌ "ለዚህ ነገር ብልሃቱ አጭር ነው። ሌላ ትልቅ በረት አሰርተህ ከብቶችህን ከሁለት ክፈላቸውና ለየብቻ አሳድራቸው" አለው። ባለጠጋውም ሽማግሌው እንዳለው አደረገ። ይህንን ባደረገ በማግስቱ "ከብቶችህ ዛሬስ እንደምን አደሩ" ብሎ ቢጠይቀው፤ "ያንደኛው በረት ከብቶች ደህና አደሩ፣ ያንደኛው ግን ሲተራመሱ አደሩ" ብሎ መለሰለት። "በል አሁን ከግሞ ሌላ ሶስተኛ ትልቅ በረት አሰርተህ ሲታዎኩ ያደሩትን ከብቶች ከሁለት ከፍለህ ለየብቻ አሳድራቸው" አለው።

    አሁንም ደግሞ ባለጠጋው እንዲሁ ሽማግሌው እንደመከረው አደረገ። በማግስቱም ቢጠይቀው "ባንዱ በረት ያሉት ከብቶች ድህና አደሩ ባንደኛው የነበሩት ግን ሢበጠበጡ አደሩ" አለው። ሽማግሌውም መለሰና "እነዚያን ደህና ያደሩትን ከፊተኞቹ ጋር ቀላቅለህ ሲታወኩ ያደሩትን ከብቶች አሁንም ከሁለት ክፈላቸውና ለየብቻ አሳድራቸው" አለው። እንዲሁ እያደረገ የታወኩትን ከብቶች ከሁለት እየከፈለ ደህና ያደሩትን ግን ለብቻ ለይቶ ከደህኖቹ ጋር እየቀላቀለ ስድስት ጊዜ ይህንን ስራ ደጋግሞ ከሰራ በሇላ በመጨረሻ ከሚተራመሱ ከብቶች ወገን አስር ብቻ ቀሩ።

    "በነዚህ በአስሩ ከብቶች መካከል የቀሩትን ሁሉ የሚበጠብጡ ሁለት ወይም ሶስት ከብቶች ሳይሆኑ አይቀርምና ሌሊት ጨረቃ ስትወጣ ጠብቀህ ከዳር ቆመህ ከብቶችን ተመልከታቸው" አለው። እውነትም ባለጠጋው ሽማግሌው እንደመከረው አድርጎ ቢመለከት በከብቶቹ መካከል እየሮጠ ሌሎችን እየወጋ ፀትታ ነስቶ ሁሉንም የሚበጠብጣቸው አንድ ወይፈን መሆኑን አየ። "እንግዲህ ይህን ወይፈን ወይም ሽጠው ወይም እረደው" አለው።

    ወይፈኑም ከከብቶቹ መካከል ከተወገደ በሇላ ከብቶቹን ሁሉ መልሶ እንደ ቀድሞዋቸው ቢቀላቅላቸው ረግተው በሰላምና በፀትታ ያድሩ ጀመር። እነዚህን ሁሉ ከብቶች የሚበጠብጣቸው አንድ ወይፈን እንዳለ ሁሉ በሰዎችም መካከል ሰላምና ስምምነት ጠፍቶ ሁከትና ብትብጥ ሲነሳ ነገሩን ሁሉ እያጣሩ ቢመረምሩት እንዲሁ ሆኖ እንደሚገኝ አያጠራጥርም።

    ምንጭ:
    • ታሪክና ምሳሌ (ከበደ ሚካኤል)

  • loader Loading content ...
  • @Gosa   9 months ago
    ጎሳ ሰው ነው።
    አስተዋዩ ሽማግሌ አደገኛ ፕሮግራመር ይወጣቸው ነበር በዚህ ዘመን ቢኖሩ :) እናመሰግናለን ውባንተ!
  • @መርሻ   9 months ago
    Interested in just about everything!
    haha ... I second that @Gosa

Load more...