Do you believe Africa is yet to be fully documented?We do! And that’s why we developed Sewasew... Check it out!

loader
  • የጥምቀት በዓል

    @ሊ/ትጉሃን እምሩ   2 years ago
  • loader Loading content ...
  • @ሊ/ትጉሃን እምሩ   2 years ago
    የትምቀት በዐል በኢትዮጵያ ኦርቶዶክስ እምነት ቀኖና መሰረት ከዘጠኙ አብይ በዓላት አንዱ ነው። የሚከበረውም ኢየሱስ ክርስቶስ በተወለደ በ፴ አመቱ የማዳን ስራውን በጥምቀት የጀመረበትን ጊዜ ለማስታወስ ነው። በዚህ ጊዜ እየሱስ እራሱ በፈለገ ዮርዳኖስ ተጠምቇል፤ ያጠመቀውም ዮሐንሥ ወልደ ዘካርያስ ነው። በተጠመቀም ጊዜ አብ በደመና ሆኖ የምወደው የምወልደው ልጀ ይህ ነው ብሎ መስክሮለታል፤ መንፈስ ቅዱስም በፀዓዳ ርግብ አምሳል ወርዶ በራሱ ላይ ተቀምጧል።

    የጥምቀጥ በዓል በሚከበርበት ጊዜ በዋዜማው ታቦታቱ ከየቤተ ወጥተው በወንዝ ዳር ወይም በሰው ሠራሽ የውሃ ግድብ ዳር በዳስ፣ ድንኯን ያድራሉ። ይህም የሚደረገው ጌታ በእደ ዮሐንሥ ለመጠመቅ ከገሊላ ወደ ዮርዳኖስ የመሔዱ ምሳሌ ነው። ሌሊት ስብሐተ እግዚአብሔር ሲደርስ አድሮ ስርዓተ ቅዳሴው እዛው ይፈፀማል። ሲነጋ በውንዙ (በግድቡ) ዳር ፀሎተ አኩቴት ተደርሶ አራቱም ወንጌላት ከተነበቡ በሇላ ውሃው ተባርኮ ለተሰበሰበው ህዝብ ይረጫል። ይህም የሚደረገው ጌታ ኢየሱስ ክርስቶስ ለኛ ብሎ ያሳየውን ትህትና ለማስታወስ ነው።


                     ታቦታት በጥምቀት ዋዜማ  ውሃው ወዳለበት ወደ ጃን ሜዳ ሲሸኙ (አዲስ አበባ)



                     የጥምቀት በዓል አከባበር በጎንደር

    ጥምቀት የሚከበረው በያመቱ ጥር ፲፩ ቀን ነው።  ጥምቀት ረቡዕ ከዋለ ገሀዱ ማክሰኞ፣ ዓርብ ከዋለ ደግሞ ገሀዱ ሐሙስ የፆማል። ጥምቀት የሚውልባቸው ዐርብና ረቡዕ ዓይጾሙም።

    ምንጭ:-      
              የኢትዮጵያ ኦርቶዶክስ ተዋህዶ ቤተክርስትያን ታሪክ (አቡነ ጎርጎርዮስ)

  • loader Loading content ...

Load more...