Do you believe Africa is yet to be fully documented?We do! And that’s why we developed Sewasew... Check it out!

loader
  • ይስጥሽ

    @ህይወት በቀለ   2 years ago
  • loader Loading content ...
  • @ህይወት በቀለ   2 years ago

    እቴ
    ይስጥሽ ከቁመቴ ከላዬ ቀንሶ
    ያስረዝምሽ አንቺን እኔን አሳንሶ
    ከሰጎን እረዝመሽ ስትቆሚ ከጎኔ
    ቁመቴን መጽውቼሽ ጫጩት ላክል እኔ፤
    ይስጥሽ ከፀጉሬ ከአናቴ ላይ ዘግኖ
    ይገጠብ ራሴ ያንቺ ተጎንጉኖ
    አወይ ፀጉሯ ብለው ኮረዶች ሲያወሩ
    ድጥ ራስ ነህ ብሎ ይዝለፈኝ ሰፈሩ፤
    እቴ
    ይስጥሽ ከወዜ ላይ ጨልፎ ከፊቴ
    ይቅዳልሽ ከደሜ ጠልቆ ከጅማቴ
    ከዓይን ያውጣሽ እያለ ሲመርቅ አድናቂ
    እስቲ እግዜር ይማርህ ይበለኝ ጠያቂ።
    እቴ
    እጄን ብትፈልጊ
    እግሬን ብትፈልጊ
    አንገቴን ደረቴን
    ተሰጥኦ ሀሳቤን
    ያደምቀኛል ብለሽ ያሰብሺውን ሁላ
    እግዜር ከኔ ወስዶ ከሰጠሽ በኋላ
    ያስቀርልኝ ዓይኔን
    አንቺን ማየት ብቻ ያኖረኛል እኔን።


    ገጣሚ በእውቀቱ ስዩም

  • loader Loading content ...

Load more...