Do you believe Africa is yet to be fully documented?We do! And that’s why we developed Sewasew... Check it out!

loader
  • ደግ ስራ።

    @አቦቸር   1 year ago
    መሳቅ፣ መሳቅ፣ አሁንም መሳቅ!
  • loader Loading content ...
  • @አቦቸር   1 year ago
    መሳቅ፣ መሳቅ፣ አሁንም መሳቅ!
    ከእድሜው ገፋ ያለ አንድ ሰው ብዙ ገንዘብ ሰብስቦ ነበርና የሞት ቀኑ እንደደረሰ አውቆት ያለ ገንዘቡን ለሶስት ወንዶች ልጆቹ አካፈላቸው። ገንዘቡንና ርስቱን ካካፈላቸው በሇላ አንድ እንቁ ሲቀረው አንስቶ "በዚህ በሶስት ወር ውስጥ በጣም መልካም የሆነ ስራ ለሰራው ልጅ ይህን እንቁ እሰጠዋለሁ" ሲል ወደአንድ ወገን አሥቀመጠው።

    ከዚህ በሇላ ታላቁ ልጅ ተነሳና፣ "አባቴ ሆይ ከዚህ ቀደም እውቀት እንኯን ሳይኖረን አንድ ሰው ብዙ ገንዘብ አምኖ አደራ አስቀመጠብኝ፤ ሳስቀምጥለት የደረሰኝ ፊርማየን አልሰጠሁትም። ምንም እውቀት የለኝም ነበር። እኔም ከገንዘቡ ምንም ሳልነካበት በጥንቃቄ ጠብቄ አስቀመጥሁለት። እርሱም መጥቶ ለመውሰድ በጠየቀኝ ጊዜ ገንዘቡን በመላው መልሼ ሠጠሁት። ስላስቀመጥሁለትም የእምነቴን ዋጋ ቢሠጠኝ አልቀበልም ብዬ መለስኩለት። ይህ ደግ ስራ አይደለምን?" አለ። አባትዬውም፣ "ልጀ ሆይ፣ ይህ ያንተው የሀቀኝነት ስራ ነው እንጂ ደግ ስራ ነው ሊባል አይበቃም" አለው።

    ደግሞ ሁለተኛው ታናሹ ልጅ ተነሳና፣ "አባቴ ሆይ አንድ ቀን በኩሬ ዳርዳሩን ስሄድ ሳለሁ አንድ ህፃን ልጅ እኩሬው ውስጥ ወድቆ ነበርና እኔም ለነፍሴ ሳልሳሳ በድፍረት ዘልየ እኩሬው ውስጥ ገባሁና ልጁን በደህና አውጥቼ ለተጨነቀችው እናቱ ሰጠሇት። ይህ መልካም ስራ አይባልምን?" አለ። አባትዬውም ፣ "ልጄ ሆይ፣ ይሁን እንጂ ይህ ስራ የልማድ ርህራሄ ይባላል እንጂ ብቻውን ደግ ስራ ነው ሊባል አይበቃም አለው።"

    ደግሞ ሶስተኛ ጣናሽ ልጁ ተነሳና ፣ "አባቴ ሆይ አንድ ጊዜ በጨለማ ሌሊት ሆኖ ሳለ በጣም ደመኛ የሆነኝ ጠላቴ በገደል አፋፍ ላይ ተኝቶ አገኘሁትና ደንግጦ ባኖ ወደ ገደል እንዳይወድቅ ቀስ ብዬ ተንፏቅቄ ሄድኩና በጠላትነት መንገድ ሳይሆን ቀስቅሼ ከገደሉ አፋፍ አስነስቼ ወደ ደህና ስፍራ አምጥቼ አሥተኛሁት። ነገር ግን እኔ በጠላጥነት መንገድ ሄጀ ደንግጦ ቢባንንና ወደ ገደል ቢወድቅ ኑሮ በዚያ በትልቁ ገደል ገብቶ ለመሞት አይዘገይም ነበር። ይህስ ደግ ስራ አይባልምን?" አለው። ከዚህም ወዲህ አባትዬው በዚሁ በትንሹ ልጁ ስራ ደስ ብሎት "ውድ ልጄ ከዚህስ የበለጠ ምን ደግ ስራ አለ!" አለና እየሳመ "ይህ እንቁ ላንተ ነው የሚገባው" ብሎ ሰጠው።

    እንግዲህ ጠላትን መውደድ ከሁሉ የበለጠ ስራ ሊሆን ይገባል!

    ምንጭ
    • ታሪክና ምሳሌ (ከበደ ሚካኤል)

  • loader Loading content ...
  • @Bilen(ብሌን)   1 year ago
    አዝናኝ እና አስተማሪ ነው፣አመስግናለሁ@አቦቸር!
  • @Abigel   1 year ago
    thanks for sharing Abocher!
  • በጣም ትልቅ ሚሥጥር ያለው ምሳሌ! የክቡር ከበደ ሚካኤል ስራዎች እጅግ ጥልቅ ናቸው! እግዚአብሄር ይባርክህ!
  • @Fikru   1 year ago
    ደግ ሰው ሁሌም ደግ ነገርን እግዚአብሄር ይከፍለዋል! 'የዋሆች ብፁዓን ናቸው ፣ ምድርን ይወርሳሉና' ይላል መፅሃፉ (ማቴ.5:5)። እናመሰግናለን።

Load more...