Do you believe Africa is yet to be fully documented?We do! And that’s why we developed Sewasew... Check it out!

loader
  • ግሸን ደብረ ከርቤ ገዳም

    @ሊ/ትጉሃን እምሩ   2 years ago
  • loader Loading content ...
  • @ሊ/ትጉሃን እምሩ   2 years ago
    ወሎ ውሥጥ ከደሤ ከተማ በሠሜን ምዕራብ 76 ኪሜ ርቀት ላይ የሚገኘው ግሸን ደብረ ከርቤ ገዳም በክርሥትና እምነት ተከታዮች ዘንድ በአንጋፋነታቸው ከሚታወቁት ቅዱሥ ሥፍራዎች ውሥጥ አንዱ ነው። ይህ ገዳም ከክርሥትና እምነት ጋር እና ከመንግሥታዊ አሥተዳደር ጋርየተቆራኘ ብዙ ታሪክ እንዳለው ይነገራል።  በክርሥትና  እምነት  ዘንድ  አንጋፋነቱን  ያገኘውም  እየሱ ስ  ክርሥቶስ  ተሥቅሎበት  ነበር  የሚባለው  መሥቀል  የቀኙ  ክንፍ  በክብር  ያረፈው  በዚህ  ገዳም  ውሥጥ  መሆኑ  በከፍተኛ  ደረጃ  መታመኑ  ነው ።  ከዚሁ  ጋር  ተያይዞም   ዳግማዊ  እየሩሣሌም  በመባልም  ይታወቃል

    የግሸን አምባ በተፈጥሮ የመሥቀል ቅርፅ ያለው ሢሆን በአምባው ዙሪያ ለመውጣትም ሆነ ለመውረድ የማይታሠቡ ቀጥ ያሉ ገደሎች የተከበበ ነው። በአሁኑ ጊዜ ወደ አምባው መውጫ እና መውረጃ የምታገለግል ብቸኛና ጠባብ መንገድ ሥትኖር በአፄ ሃይለሥላሤ የመወጣጫ መንገድ እሥከተሠራላት ድረሥ የገዳሙ መነኮሣት ወደ አምባው ለመውታጥ እና ለመውረድ ይጠቀሙበት የነበረው ብቸኛ ዘዴ ወገባቸውን በገመድ ወይም በመጫኛ አሥረው በመጎተት ነበር።





                   ግሸን አምባ


    በአምባው ላይ በተለያዩ ጊዜያት የተመሠረቱ አራት አብያተ ክርሥትያናት ሢኖሩ፣ የግሸን ማርያምና የእግዚአብሔር አብ አብያተክርሥትያናት መሠረታቸው የተተከለው በአፄ ካሌብ ዘመነ መንግሥት እንደሆነ ይነገራል። አብያተክርሥትያናቱ በተለያዩ ጊዜያት በተለያዩ ምክንያት ፈርሠው እንደተሠሩ እና እንደታደሡም ይታወቃል። ለምሣሌ ግማደ መሥቀሉ በመቅደሡ ውሥጥ ተቀብሮ ይገኝበታል ተብሎ የሚታመነው የእግዚአብሄር አብ ቤተክርሥትያን በአፄ ዘርዐ ያዕቆብ እንደገና የተሠራ ሢሆን በዳግማዊ ምንሊልክም እንዲታደሥ ተደርጏል።



                   ግማደ መሥቀሉ መቅደሡ ውሥጥ አለ ተብሎ የሚታመነው የእግዚአብሔር አብ ቤተክርሥትያን


    ይሀው የእግዚአብሄር አብ ቤተክርሥትያን ከብዙ ቤተክርሥትያን ለየት የሚያደርገው በመሥቀል ቅርፅ የተሠራ መሆኑ እና ክሌሎች ቤተክርሥትያኖች ለየት ባለ መልኩ የግድግዳ ላይ ሥዕሎቹ ከግማደ መሥቀሉ መገኘት ጀምሮ ግሸን እሥከገባበት ድረሥ ያላውን የሚተርክ  የዘር ቆብ  እላዊ  ትርጏሜወች ናቸው።

    ሌላዋ እና በዚሁ አምባ ላይ የምትገኘውና ታዋቂዋ የግሸን ማርያም በተክርሥትያን በአፄ ዘርዐያዕቆብ እህት በእማሆይ እሌኒ የተሠራች እና በሇላም በአፄ ሃይለሥላሤ ባለቤት በእቴጌ መነን እንደታደሠች ይነገራል። 



                   የግሸን ማርያም ቤተ ክርሥትያን

    ግሸን ደብረ ከርቤ ገዳም ከጠንካራው ያህማኖታዊ ትውፊትና እምነት ባሻገር የመካከለኛው ዘመን የኢትዮጵያ ነገሥታት ካቇቇሟቸው የፖለቲካ ተቇማት አንዱና ዋነኛው ነበር። የመንግሥታቱ ስልጣን ርክክብ ሠላማዊ ለማድረግ ሢባል በሞትም ወይም በሃይል ከሥልጣን የተወገደው ንጉሥ ልጆች እና የቅርብ ዘመዶች በግሸን አምባ ላይ በግዞት ይቀመጡ እንደነበር ታሪክ ይዘግባል። የግሸን አምባ እንደ ቤተመንግሥት ወህኒ ቤትነት ከአፄ ይኮኖ አምላክ ዕረፍት መሇላ ማለትም ከ1278/1279 በሇላ በተቇምነት ተቇቁሞም አገልግሎት እንደሠጠ እና በግራኝ አህመድ ወረራ በህኒ ቤቱ እንደወደመ በታሪክ ተፅፏል።


    ምንጭ
    • የአማራ ክልል የቱሪሥት መሥህብ ያብቶች (የአማራ ቱሪዝም እና ማሥታወቂያ ቢሮ) 
    • ቅደሳን መካናት በኢትዮጵያ: የ44 ጥንታውያን ገዳማትና አድባራት ታሪክ (ዘመድኩን) 
    • Religious tourism potential of Gishen Derbe Kerbe Mariam, Ethiopia (Ermias Kifle)

  • loader Loading content ...
  • @Alembrehan   1 year ago
    ደስ የሚል መንፈሳዊ ቦታ !
  • @Abigel   1 year ago
    Thank you for sharing @ ሊ/ትጉሃን እምሩ!
  • @መርሻ   1 year ago
    Interested in just about everything!
    እናመሰግናለን ሊቀ ትጉሃን! በቀጣይ ደግሞ ስለ ሌሎች ቦታዎች ፅሁፎችን እንደሚያስነብቡን ተስፋ አለን!
  • @Tariku   1 year ago
    ሃገራችን የብዙ ታሪክ ባለቤት ናት! እናመሰግናለን ሊ/ትጉሃን።
  • @Hilina   1 year ago
    መጎብኘት ያለበት የተቀደሰ ቦታ! ሃይማኖታዊም ታሪካዊም እሴቶች አሉት!! እናመሰግናለን።

Load more...