Do you believe Africa is yet to be fully documented?We do! And that’s why we developed Sewasew... Check it out!

loader
  • የኢትዮጵያ ሳይንስና ቴክኖሎጂ ሚንስቴር (Ministry of Science & Technology - Ethiopia)

    @Yared   2 years ago
  • loader Loading content ...
  • @Yared   2 years ago
    ታሪክ

    የኢትዮጵያ ሳይንስና ቴክኖሎጂ ሚኒስቴር ለመጀመሪያ ጊዜ በ1968 ዓ.ም በኮሚሽን ደረጃ በአዋጅ ቁጥር 62/1968 ተቋቋመ፡፡ ኮሚሽኑ የነበረውን የመንግስት ለውጥ እንዲሁም የኢትዮጵያ ፌዴራላዊ ዴሞክራሲያዊ ሪፐብሊክ ምስረታን ተከትሎ የተደረጉ ለውጦችን መሰረት በማድረግ በ1986 ዓ.ም እና በ1987 ዓ.ም እንደገና እንዲቋቋም የተደረገበትን ሂደቶች አልፏል፡፡ በ1997 ዓ.ም ‹‹የሳይንስና ቴክኖሎጂ ኤጀንሲ›› በሚል ስያሜም እንዲቋቋም ተደርጓል፡፡

    በመጨረሻም ‹‹የኢ.ፌ.ዴ.ሪ ሳይንስና ቴክኖሎጂ ሚኒስቴር›› በመባል በሚኒስቴር ደረጃ በአዋጅ ቁጥር 603/2001 ተቋቁሟል፡፡ ከዚያም ወዲህ ሚ/ር መ/ቤቱ የኢትዮጵያ ፌዴራላዊ ዲሞክራሲያዊ ሪፑብሊክ አስፈፃሚ አካላትን ሥልጣንና ተግባር ለመወሰን ባወጣው በአዋጅ ቁጥር 691/2ዐዐ3 መሠረት ስልጣንና ተግባር ተስጥቶት እየሰራ ይገኛል፡፡

    ስልጣንና ተግባር
    1. የሀገሪቱን የልማት አቅጣጫ መሠረት ያደረገ የሣይንስና ቴክኖሎጂ ምርምርና ልማት ኘሮግራም ያዘጋጃል፣ በመንግሥት ሲፀድቁም ተግባራዊ እንዲደረጉ አስፈላጊውን ድጋፍ ይሰጣል፣ አፈፃፀማቸውን ይከታተላል ፣ ይገመግማል
    2. ከሚመለከታቸው አካላት ጋር በመተባበር የቴክኖሎጂ ፍላጐትን ለመዳሰስ፣ ቴክኖሎጂዎችን ለማፈላለግ፣ ለመምረጥ፣ ለማስገንባት፣ ለመቀመር፣ ለመጠቀምና ለማስወገድ የሚያስችል ስርዓት ይዘረጋል፣ አፈፃፀሙንም ይከታተላል
    3. በየዘርፉ በሽግግር የሚመጡ ቴክኖሎጂዎችን መረጃ ይመዘግባል፣ ኮዲፋይ በማድረግና የማቀብ ሥራዎችን ያስተባበራል ፣ለቀጣዩ ሥራ እንቅስቃሴም እንዲውሉ ያደርጋል
    4. የሣይንስና ቴክኖሎጂ ልማት እንቅስቃሴዎችንና ሀገራዊ የምርምር ኘሮግራሞችን ያስተባብራል፣ የሚካሄዱ የምርምር ሥራዎች ከሀገሪቱ የልማት ፍላጎት ጋር የተጣጣሙ መሆናቸውን ያረጋግጣል
    5. የሳይንስ ፣ቴክኖሎጂና ፈጠራ (innovation) መረጃ ቋት ያደራጃል ፣መረጃዎችን ያጠናቅራል፣ ሀገራዊ የመረጃ አያያዝ ደረጃን ያወጣል፣ የሣይንስና ቴክኖሎጂፈጠራ አመልካቾችንም ያዘጋጃል፣ ለአገልግሎት እንዲውሉ ያደርጋል
    6. በመንግሥትና በግል የከፍተኛ ትምህርትና የምርምር ተቋማትና በኢንዱስትሪው ዘርፍ መካከል ለምርምር እና ቴክኖሎጂ ልማት እንቅስቃሴ የሚያግዝ ምቹ የእርስበርስ ትስስርና ቅንጅታዊ አሠራር እንዲፈጠር ሁኔታዎችን ያመቻቻል
    7. የሀገሪቱ የረዥም ጊዜ የሣይንስ፣ ቴክኖሎጂና ኢኖቬሽን የሰው ሃይል ልማት ያቅዳል፣ ተግባራዊነቱንም ይከታተላል፣ የሀገሪቱ ሥርዓት ትምህርት ከሳይንስና ቴክኖሎጂ ልማት አንፃር መቃኘቱን ለማረጋገጥ ከሚመለከታቸው አካላት ጋር ይተባበራል
    8. በመንግሥትና በግሉ ዘርፍ በሳይንሰና ቴክኖሎጂ እንቅስቃሴ ውስጥ ተሳታፊ የሆኑ ተቋማትና ባለሙያዎች አቅም የመገንባትን ሁኔታ በማመቻቸት ረገድ ድጋፍ ይሰጣል
    9. ለሳይንስና ቴክኖሎጂ ልማትና ለፈጠራ ሥራዎች ዕድገት አስተዋጽኦ ላበረከቱ ግለሰቦችና ተቋማት ሽልማትና ማበረታቻ የሚሰጥበት ሥርዓት ይዘረጋል፣ ተግባራዊም ያደርጋል
    10. የምርምር ሥራዎችን ለማስተባበር የሚያግዙ ምክር ቤቶችን ያቋቁማል፣ ያስተባብራል፣ ይደግፋል፣
    11. ለሳይንስና ቴክኖሎጂ መዳበር አሰተዋጽኦ ሊያደርጉ የሚችሉ የሙያ ማህበራትንና አካዳሚዎችን ያበረታታል ፣ይደግፋል፡

    ሚንስቴር መስሪያ ቤቱን በሚንስትርነት የመሩት ሰዎች
    • ወ/ሮ ደሚቱ ሐምቢሳ




    ተጠሪ ተቇማት
    • የኢትዮጵያ ሜትሮሎጂ ኢንስቲትዩት
    • የኢትዮጵያ ደረጃዎች እጀንሲ
    • የኢትዮጵያ አዕምሯዊ ንብረት ጽ/ቤት
    • የኢትዮጵያ ጨረራ መከላከል ባለስልጣን
    • የኢትዮጵያ ብሔራዊ አክሬድቴሽን ጽ/ቤት
    • የኢትዮጵያ የተስማሚነት ምዘና ድርጅት
    • የሳይንስና ቴክኖሎጂ መረጃ ማዕከል

    ምንጭ
    • የኢትዮጵያ ሳይንስና ቴክኖሎጂ ድህረ-ገጽ (http://www.most.gov.et/)

  • loader Loading content ...
  • @Abigel   10 months ago
    ጠቃሚ መረጃ ነው ፣በአሁኑ ሰአት ሚንስቴር መስሪያ ቤቱን በሚንስትርነት የመሩት ጌታሁን መኩርያ ኩማ ይባላሉ