Do you believe Africa is yet to be fully documented?We do! And that’s why we developed Sewasew... Check it out!

loader
  • ተረት የሚወደው ንጉስ

    @Tesfaw   10 months ago
  • loader Loading content ...
  • @Tesfaw   10 months ago

    በቀድሞ ዘመን አንድ ንጉስ ነበር። እርሱም እግዚአብሔር የሰጠውን የመንግሥቱን ሰራ ትቶ ተረት የሚያውቅ ሰው እያስፈለገ ተረት ሲሰማ ይውል ነበር ። ተርት የሚያውቁ ብዙ ሰዎች እየመጡ ተረታቸው እያለቀባችው ይሄዳሉ። ንጉሡ ግን እያደር የተርት ፍቅር እየፅናበት ይሄድ ጀመረ። ከእለታት አንድ ቀን ወረቀቱንና ቀለሙን አቅርቦ እኔ በቃኝ እስክል ድረስ አዲስ አዲስ ተርት የምነግረኘ ሰው የተገኘ እንደሆነ ልጄን አጋብቼ መንግስቴን አወርሰዋለው ብሎ ፅፎ ማኅተሙን አተመ። እንዲህ ማለቱ ግን መቸም ብዙ ተርት የሚያውቅ ሰው አይገኘም ብሎ ነበር።

    ከዚያም ቦሃላ ይሄ ወሬ በያገሩ ደረሰና አንድ ብልህ ሰው መጥቶ እኔ ለንጉሡ በቃኝ እስኪል ድረስ ተርት እንግራቸዋለሁና ንገሩልኝ አለ። ንጉሱም በሰማ ጊዜ እጅግ ደስ አለው። የውሉንም ወረቀት ሰጠው። ከዚህም ቦሀላ ተረቱን ሊነግር ጀመረ።

    ንጉስ ሆይ አንድ ባለጠጋ ሰው አዝመራውና መከሩ አማረለት እንደ አማረለትም ካየ ቦሀላ ስንዴውን የሚያኖርበት ታላቅና ሰፊ ጎተራ ሰራ ፣የጎተራውም ርዝመቱ ሰላሳ ክንድ ወርዱ ሃያ ክንድ ቁመቱ አስር ክንድ ነበር ።

    በመክርም ወራት ስንዴውን ወቅቶ በጎተራው ሞልቶ አስቀመጠ። ነገር ግን በሙቀቱ ምክንያት እንዳይነቅዝ ብሎ ለንፋስ መግብያ ትንሽ መስኮት አውጥቶለት ነበርና አንዲት ገብረ ጉንዳን በዚያ ገብታ አንዲት ቅንጣት ሰንዴ ይዛ ወጣች ብሎ ነገርው። ንጉሱም እሀ አለው። ደግሞ ሌላዋ ገብረ ጉንዳን ገባችና አንድ ቅንጣት ስንዴ ይዛ ወጣች አለው። ከዚያስ ወድያ አለው። ደግሞ ሌላይቱ ገብረ ጉንዳን ገባችና አንዲት ቅንጣት ስንዴ ይዛ ወጣች አለው። ከዚያ ቦሀላ ንጉሡ ተንስቶ ዛሬ ይበቃናል ነገ ደግሞ እንጨዋወታለን አለው ።

    በማግስቱም በማለዳ ንጉሡ መጥቶ ወደ መጫወቻቸው ቤት ገብቶ ተቀመጠ። ሰውዬውም ቀረበ፣ ንጉሱም እህ አለው። ደግሞ ሌላይቱ ገብረ ጉንዳን ገባችና አንዲት ቅንጣት ስንዴ ይዛ ወጣች አለው። ይህንማ ትናንትና ነግረህኝ የለምን አለው። ሰውዬው መለሰ። ንጉስ ሆይ ጎተራው እኮ ሰፊ ነው ፣ ስንዴው አላለቀም አለው። ንጉሱም ተቆጣና ተነስቶ ወደ ቤቱ ገባ።

    በማግስቱም በማለዳ መጥቶ ወደ መጫወቻው ቤት ገባ ሰውዬውም ቀረበ ንጉሡም እህ አለው። ደግሞ ሌላይቱ ገብረ ጉንዳን ገባችና አንድ ቅንጣት ስንዴ ይዛ ወጣች አለው። ንጉሱም ይህን በሰማ ጊዜ ይህንስ ትናንትና ነግረህኛል ሌላ ተርት የለህምን አለው። ተረተስ ሞልቶኛል አለው። ነገር ግን ስንዴው መቼ አለቀ። ጎተራው እኮ ሰፊ ነው አለው። እንዲህ እያለ አስራ አምስት ቀን ሙሉ አሰለቸው። በመጨረሻም ንጉሡ እንደ ልማዱ በመጫወቻው ቤት ገብቶ ተቀመጠ ሰውየውም ቀረበ ንጉሱም እህ አለው። ደግሞ ሌላይቱ ገብረ ጉንዳን ገባችና አንድ ቅንጣት ስንዴ ይዛ ወጣች አለው።

    ንጉሱም ተቆጣና ይህንማ ስትነግረኝ ሰነበትህ የለምን፣ ሌላ ተረት እንዳለህ  አምጣ አለው። ንጉስ ሆይ ተረትስ ሞልቶኛል ነገር ግን  የተጀመረውን ሳልጨርስ ሌላ መጀመር አይገባኝም። ጎተራው እጅግ ትልቅ ነው፣ ስንዴውም ብዙ ነው አለው።

    በዚያ ጊዜ ንጉሱም እጅግ ተናደደና ፣ሁለተኛ ይህን ተረት አትንገረኝ እጅግ ሰለቸኝ። ልጄንም ሰጥቼሃለው መንግስቴንም አውርሼሃለው አለው።

    ሰውዬውም የንጉሱን ልጅ አግብቶ መንግስቱን ወርሶ በዙፋኑ ተቀመጠ።

    ልጆቼ ሆይ የሚረባዉን ነገር ትታችሁ የማይረባዉን ነገር አትፈልጉ ። ቀልድና ጨዋታም አብዝታችሁ አትውደዱ።        

    ምንጭ፣ የልጆች ማሳደጊያ በብላቴን ጌታ ኅሩይ ወልደ ሥላሴ።

  • loader Loading content ...
  • @እሸቱ አበበ   9 months ago
    Hard core sewasewer who believes in social learning!
    እናመሰግናለን ተስፋው!