loader

Topics (16)


  • ግሥ - Verb

    @Melak   8 months ago
    አንዳች ነገርን ለመናገር ወይም ለመፃፍ የፈለግን እንደሆነ፣ አድራጊው ምንን እንዳደረገ፣ ወይም ምንን እንደተደረገ ልንናገር ግድ ይሆንብናል። ስለዚህም ግሥን የንግግር መፈፀሚያ አድርገን እንጨምራለን። የግሥ ቃል በተጨመረ ጊዜ የንግግሩ... Read more
  • loader Loading content ...
  • ቅፅል - Adjective

    @Melak   8 months ago
    በስሞች ወይም በነገሮች ላይ እየተጨመረ ትርጓሜያቸውን የሚገልፅ ቃል ሁሉ "ቅፅል" ይባላል። በአረፍተ ነገር ውስጥ አንዳች ነገር በተነገረ ጊዜ "ምን አይነት?" "ስንት?" "የቱ?" ወይም "የትኛው?" የሚል ጥያቄ ይገጥመን ይሆናል። ይ... Read more
  • loader Loading content ...
  • ተውላጠ ስም የሚባለው በስም ፈንታ እየተተካ የሚገባ ቃል ነው። የተነገረውን ስም እንዳይደጋገም ለማድረግ ብንፈልግ በስሙ ስፍራ ሌላ ቃል እንተካለን። ይህም ተተክቶ የሚገባው ቃል "ተውላጠ ስም" ይባላል። ትርጓሜውም "የስም ልዋጭ" ወይ... Read more
  • loader Loading content ...
  • ስሞች ወይም ስሞችን መስለው የሚገኙ ቃላት በአረፍተ ነገር ውስጥ ተገጣጥመው በተነገሩ ጊዜ የቃሉን ንብረት የምናውቅበት ክፍል ሙያ ይባላል። ይኸውም ስም (ሙያ) በቅኔ ትምህርት ቤት የታወቀና የተለመደ ነው። የስሞች ሙያ እንደሚከተለው ... Read more
  • loader Loading content ...
  • የህይወት ነፍስ ያለው ፍጥረት ሁሉ ሰውም ፣ እንስሳም ቢሆን በባህሪው የወንድነት ፣ ወይም የሴትነት መለዮ የገኝበታል። የህይወት ነፍስ የሌለባቸው ፍጥረታት ግን የወንድነትና የሴትነት መለዮ የለባቸውም። እነዚህም ሁሉ በአማርኛ የቋንቋ ... Read more
  • loader Loading content ...
  • ሰው ወይም ሌላ ነገር የሚጠራበት ቃል ሁሉ ስም ይባላል። ስሞች በአይነታቸው በአምስት አይነት መድቦች ይከፈላሉ። የተጸውዖ ስም - ሰው ፣ ወይም፣ ሌላ ነገር በተለይ የሚጠራበትና ተለይቶ የሚታወቅበት ስሙ ነው። ምሳሌ:- የሰው ስም - ... Read more
  • loader Loading content ...
  • ቃለ አጋኖ

    @Melak   9 months ago
    ቃለ አጋኖ - በአሳብ የሚሰማ አንዳች ነገርን በማጋነን ድምፅ የሚገለፅበት ፤ ከሌሎችም ቃላት ጋር ስምድናን ሳያደርግ በገዛ ራሱ የሚፀና ቃል "ቃለ አጋኖ" ይባላል። ምሳሌ - "ሆይ፣ አዬ ፣ ጉድ ፣ እህህ ፣ እኮ" አጠቃቀም ምሳሌ :-... Read more
  • loader Loading content ...
  • መስተፃምር

    @Melak   9 months ago
    መስተፃምር - በማሰሪያ አንቀፅ ላይ እየተጫነ የአንቀፁን ማሰሪያነት የሚያስቀርና ፣ የሚመስሉ ነገሮችን የሚያጫፍር ቃል "መስተፃምር" ይባላል። ትርጓሜውም፣ የሚያያይዝ፣ ወይም አያያዥ ማለት ነው። በብዙ ቁጥር ሲሆን መስተፃምራን ወይም ... Read more
  • loader Loading content ...
  • መስተዋድድ

    @Melak   9 months ago
    መስተዋድድ - በስምና በተውላጠ ስም ላይ በመነሻ ብቻ ወይም በመነሻና በመድረሻ እየተጫነ፣ የንግግርን ዝምድና የሚያመለክት ቃል መስተዋድድ ይባላል። ትርጓሜውም የሚያስማማ ወይም አስማሚ ማለት ነው። በብዙ ቁጥር ሲሆን መስተዋድዳን ውይም... Read more
  • loader Loading content ...
  • ተውሳከ ግሥ

    @Melak   9 months ago
    ተውሳከ ግሥ - ከግስ በፊት እየገባ የአንቀፁን ጠባይ የሚገልፅ ወይም የአንቀፁን ምግባርና ጠባይ እያጎላ የሚገልፅ ቃል ሁሉ "ተውሳከ ግስ" ይባላል። ትርጓሜው በግስ ላይ የሚጨመር ወይም የሚደረብ ማለት ነው። በብዙ ቁጥር ሲሆን "ተውሳ... Read more
  • loader Loading content ...
    Load more...
loader Loading content ...

Explanations (16)


  • @Melak   8 months ago
    አንዳች ነገርን ለመናገር ወይም ለመፃፍ የፈለግን እንደሆነ፣ አድራጊው ምንን እንዳደረገ፣ ወይም ምንን እንደተደረገ ልንናገር ግድ ይሆንብናል። ስለዚህም ግሥን የንግግር መፈፀሚያ አድርገን እንጨምራለን። የግሥ ቃል በተጨመረ ጊዜ የንግግሩ ሃሳብ ሙሉ ይሆንና አንድ አረፍተ ነገር ተብሎ ይጠራል። ግሥ የተባለው ፣ ባለ ብዙ ጓዝ ፣ ባለ ብዙ ሰራዊት ስለሆነ ነው።

    የግስ ፀባዮች በሶስት ይከፈላሉ:
    1. ገቢር
    2. ተግብሮ
    3. ወላዋይ
    የግስ አይነቶች ደግሞ በሶስት ታላላቅ አይነቶች ተመድበው ይነገራሉ።
    1. ተሻጋሪ ግሥ።
    2. የማይሻገር ግሥ
    3. ነባር ግሥ ናቸው።
    ስልእያንዳንዱ የግስ ፀባዮች እና የግስ አይነቶች በተለያየ መጣጥፍ ለማስቀመጥ እሞክራለሁ።

    ምንጭ      
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   8 months ago
    በስሞች ወይም በነገሮች ላይ እየተጨመረ ትርጓሜያቸውን የሚገልፅ ቃል ሁሉ "ቅፅል" ይባላል። በአረፍተ ነገር ውስጥ አንዳች ነገር በተነገረ ጊዜ "ምን አይነት?" "ስንት?" "የቱ?" ወይም "የትኛው?" የሚል ጥያቄ ይገጥመን ይሆናል። ይህን የጥያቄውን ቃል ለመሙላትም ሌላ ቃል እንድንጨምርበት ግድ ይሆንብናል። በዚህ ጊዜ እየጨመርን የነገሩን ትርጓሜ የምንገልፅበት ቃል "ቅፅል" የሚባለው ነው።

    ምሳሌ - "መኮንን ፈረስ አለው" በሚለው አረፍተ ነገር ላይ በሰሚው ላይ የሚከተሉት ጥያቄዎች ሊነሱ ይችላሉ።
    • ስንት? - መኮንን አንድ ፈረስ አለው።
    • ምን አይነት? - መኮንን ጥቁር ፈረስ አለው።
    • የትኛው? - ይኸኛው ፈረስ የመኮንን ነው።
    እነሆ ከላይ የተነገሩት የመልስ አረፍተ ነገሮች ላይ "አንድ ፣ ይህ ፣ ጥቁር" የተሰኙት ቃሎች ቅፅሎች ናቸው።

    ቅፅሎች በሶስት ታላላቅ ክፍሎች ይከፈላሉ።
    1. የአይነትና የግብር ቅፅል። ምሳሌ - ኢትዮጵያዊ ፣ መልካም ፣ ደግ ፣ ቀይ ፣ ጥቁር፣ ወዘተ።
    2. የአኃዝና የመጠን ቅፅል። ምሳሌ - አንድ ፣ ሁለት ፣ አያሌ ፣ ጥቂት ፣ ወዘተ።
    3. አመልካች ቅፅል። ምሳሌ - ይህ ፣ ያ ፣ ው ፣ ዋ ፣ ይቱ፣ የ፣ ወዘተ።

    ምንጭ      
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   8 months ago
    ተውላጠ ስም የሚባለው በስም ፈንታ እየተተካ የሚገባ ቃል ነው። የተነገረውን ስም እንዳይደጋገም ለማድረግ ብንፈልግ በስሙ ስፍራ ሌላ ቃል እንተካለን። ይህም ተተክቶ የሚገባው ቃል "ተውላጠ ስም" ይባላል። ትርጓሜውም "የስም ልዋጭ" ወይም "የስም ምትክ" ማለት ነው።
    • ምሳሌ - "ዝማነሽ የዝማነሽን መፅሀፍ ትወዳለች። በመፅሃፉም የዝማነሽን ትምህርት ታጠናለች" በማለት ፋንታ "ዝማነሽ የዝማነሽን መፅሀፍ ትወዳለች። በእርሱም ትምህርቷን ታጠናለች" ብለን እንናገራለን። እነሆ "ዋ ፣ እርሱ ፣ ች" የሚሉት ቃላት በ "ዝማነሽ" እና "መፅሃፍ" ስፍራ እንደተተኩ አስተውል።
    ተወላጠ ስም በሶስት ታላላቅ ክፍሎች ይከፈላል።
    1. ምድብ ተውላጠ ስም - በሚነገሩት ሰዎች ስም እየተተካ የሚገባ ቃል ነው።
      • ምሳሌ - እኔ ፣ አንተ፣ እርሱ ፣ ወዘተ።
    2. አመልካች ተውላጠ ስም - በፊት ወይም በኋላ ለሚነገረው ስም ዓጸፋ (ድጋሚ) የሚሆን ቃል ነው። በስተፊቱ ወይም በስተኋላው የሚገኘውም ስም ዓጸፋ ተቀባይ ይባላል።
      • ምሳሌ - ይህ ፣ ያ ፣ ው ፣ ወዘተ። "ይህ መፅሃፍ የውብሸት ነው" በሚለው አረፍተ ነገር ውስጥ "ይህ" የሚለው አመልካች ተውላጠ ስም ነው።
    3. መጠይቅ ተውላጠ ስም - አንዳች ነገር የሚጠየቅበት ቃል ነው። "መጠይቅ" ከግዕዝ የመጣ ቃል ነው። ትርጓሜውም የሚያረጋግጥ ወይም አረጋጋጭ ማለት ነው።
      • ምሳሌ - ማን ፣ ምን ፣ የቱ ፣ ወዘተ።

    ምንጭ      
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   8 months ago
    ስሞች ወይም ስሞችን መስለው የሚገኙ ቃላት በአረፍተ ነገር ውስጥ ተገጣጥመው በተነገሩ ጊዜ የቃሉን ንብረት የምናውቅበት ክፍል ሙያ ይባላል። ይኸውም ስም (ሙያ) በቅኔ ትምህርት ቤት የታወቀና የተለመደ ነው።
    የስሞች ሙያ እንደሚከተለው በ3 ክፍል ይመደባል።
    1. ባለቤት - ዓንቀጹ የሚነገርለት ስም ነው። ባለቤትን ለማወቅ ብንፈልግ የተነገረውን የግስ ዓንቀጽ ይዘን "ማን?" ወይም "ምን" ብለን በመጠየቅ ባለቤቱን እናገኘዋለን።
      • ምሳሌ- "ያዕቆብ ደከመ" በሚለው አረፍተ ነገር ላይ የአንቀፁ ባለቤት "ያዕቆብ" ነው። "ደከመ" ብሎ ነገሩን ያቆመ እንደሆነ "ማን?" ወይም "ምን?" ብሎ መጠየቅ አለብን። በዚህም ጊዜ "እገሌ" ወይም "ያዕቆብ" የሚል መልስ ለማግኘት እንችላለን።
    2. ተሳቢ - ስለ ዓንቀጹ የሚነገረ ነገር ነው። ተሳቢን ለማወቅ ብንፈልግ የተነገረውን የግስ ዓንቀጽ ይዘን "ማንን?" ወይም "ምንን?" ብለን ስንጠይቅ ተሳቢውን ለማግኘት እንችላለን።
      • ምሳሌ - "ያዕቆብ ዮሴፍን መረቀው" በሚለው አረፍተ ነገር ላይ ያንቀፁ ተሳቢ "ዮሴፍ" ነው። "ያዕቆብ መረቀ" ብቻ ብሎ ነገርን ቢያቆም፣ "ማንን?" ወይም "ምንን?" ብለን መጠየቅ ያስፈልገናል። በዚህም ጊዜ "ዮሴፍን" የሚል አንድ መልስ ለማግኘት እንችላለን።  
    3. ዘርፍ - ይህ ሙያ ደግሞ በባለቤት ወይም በተሳቢ ላይ እየተደረበ በመስተዋድድ ተዛምዶ ባለገንዘብን የሚያመለክት ቃል ነው።
      • ምሳሌ - "የሳኦል ቤት ፈረሰ" የሚለው አረፍተ ነገር ላይ "ሳኦል" የሚለው ቃል ዘርፍ ነው።

    ምንጭ     
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   9 months ago
    የህይወት ነፍስ ያለው ፍጥረት ሁሉ ሰውም ፣ እንስሳም ቢሆን በባህሪው የወንድነት ፣ ወይም የሴትነት መለዮ የገኝበታል። የህይወት ነፍስ የሌለባቸው ፍጥረታት ግን የወንድነትና የሴትነት መለዮ የለባቸውም። እነዚህም ሁሉ በአማርኛ የቋንቋ ህግ የተወሰነ ስም አላቸው።
    • ተባዕት - በተፈጥሮ ባህሪው ወንድ የሆነ ሁሉ ፆታው ተባዕት ነው ይባላል። የወንድ ወገን ማለት ነው። ቃሉ ወደ ቅፅልነት ሲለውጥ ተባዕታይ ይሰኛል።
    • አንስት - በተፈጥሮ ባህሪው ሴት የሆነ ሁሉ ፆታው አንስት ነው ይባላል። የሴት ወገን ማለት ነው ። ቃሉ ወደ ቅፅልነት ሲለውጥ ደግሞ አንስታይ ይሰኛል።
    • ግዑዝ - የህይወት ነፍስ የሌለው ፍጥረት ግን የወንድነት ወይም የሴትነት ባህሪይ የለውምና "ግዑዝ" ፆታ አለው ይባላል። ነፃ የሆነ ወይም ከሁለቱ የተለየ ወገን ማለት ነው።
    • የወል - የህይወት ነፍስ ያለው የፍትረጥ ስም ወንድ ወይም ሴት መሆኑን የማይለይ የሆነ እንደሆነ ፣ ፆታው "የወል" ነው ይባላል ። ይኸውም "ልጅ ፣ አያት ፣ አስተማሪ" እምደማለት ያለ ነው።
    ተባዕት ወይም አንስት ያልሆነ ስም ሁሉ በወንድ ወይም በሴት አንቀፅ ቢጠራ አያስከለክልም ። ይሁን እንጂ እንደልማድ ሆኖ ፣ በወንድ ስም የሚጠሩ እንዲሁም በሴት ስም የሚተሩ ነገሮች አሉ።
    • ምሳሌ :- 
      • ነፋስ ነፈሰ ፤ ዝናብ ዘነበ ፤ ወንዙ ደረቀ ፤ ውኃው ደፈረሰ ፤ ጎኅ ቀደደ ፤ መከር ደረሰ ፤ ወዘተ።
      • ጨረቃ ወጣች ፤ የዐጥቢያ ኮኮብ ታየች ፤ ኢትዮጵያ እጆቿን ወደ እግዚአብሔር ትዘረጋለች፤ ወዘተ።

    ምንጭ    
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
      
  • loader Loading content ...
  • @Melak   9 months ago
    ሰው ወይም ሌላ ነገር የሚጠራበት ቃል ሁሉ ስም ይባላል። ስሞች በአይነታቸው በአምስት አይነት መድቦች ይከፈላሉ።
    1. የተጸ ስም - ሰው ፣ ወይም፣ ሌላ ነገር በተለይ የሚጠራበትና ተለይቶ የሚታወቅበት ስሙ ነው።
      • ምሳሌ:-
        • የሰው ስም - ሰሎሞን ፣ ምኒልክ፣ መኮንን ፣ የሺእመቤት
        • የአገር ስም - አፍሪካ ፤ ኢትዮጵያ ፤ ሸዋ ፤ ጅሩ
        • የከተማ ስም - አዲስ አበባ ፣ ጎንደር ፣ ሎንዶን ፣ ፓሪስ
        • የተራራ ስም - መቅደላ ፤ ራስ ዳሽን ፤ ጅብላ፤ ክሊማንጃሮ
        • የባህሮችና የኩሬዎች ስም - ኤርትራ ፤ ጣና ፤ ዝዋይ ፤ ሐረማያ
    2. የወል ስም - አይነቱ አንድ ሆኖ የሚገኝ ነገር ሁሉ በጠቅላላ የሚተራበት ስም ነው።
      • ምሳሌ - "ሰው ፣ አገር ፣ ተራራ ፣ ባህር ፣ ወንዝ ፣ መፅሀፍ ፤ መሬት ፤ ጎመን ፣ ስንዴ ፤ ስንደዶ ፤ በግ ፤ አንበሳ" - እነሆ ከላይ እንደተፃፈው ቃል "ሰው" በተባለ ጊዜ በጠቅላላ የሁሉ ስም መሆኑን ያመለክታል እንጂ "ሰሎሞን ፣ ምኒልክ" እንደማለት ለአንድ ሰው የሚሰጥ ስም አይደለም።
    3. የጥቅል ስም - የወል ስም ወደ አንድ ወገን ተጠቅልሎ የሚጠራበት የማህበር ወይም የነገድ ስም ነው።
      • ምሳሌ - "ፍጥረት ፣ ሰራዊት ፣ መንጋ ፣ እንጨት ፣ እህል" - እነሆ የፍጥረት አይነቱና ክፍሉ ብዙ እንደሆነ እናውቃለን። ነገር ግን ሁሉንም በአንድ ቃል ለመናገር ብንፈልግ "ፍጥረት" በማለት ሰብስበን በህብረት እንናገራለን።
    4. የቁሳቁስ ስም - ለሰው አገልግሎት የሚገባ የቤት እቃ ነው። ከማናቸውም አይነት የተሠራ እቃ ፣ ወይም ሌላ ነገር ሁሉ ለሰው ጉዳይ የሚገባ ከሆነ "ቁሳቁስ" ይባላል። የቁሳቁስ ስምና የወል ስም ይወራረሳሉ። ልዩነታቸውም የሚታወቀው በአነጋገር አገባብ ብቻ ነው።
      • ምሳሌ - "ልብስ ፣ አልጋ ፣ ወንበር ፣ ጫማ"
    5. የነገር ስም - በአይን የማይታይ ፤ በእጅ የማይዳሰስ ባህሪይንና ፣ ስራን የሚያመለክት ቃል ሁሉ የነገር ስም ወይም የግብር ስም ይባላል።
      • ምሳሌ :- "ንፅህና ፤ ጤና ፣ ኃጢአት ፣ ፅድቅ ፣ ወዳጅነት ፣ ተላጥነት ፣ አሳብ ፣ ድምፅ ፣ ብርሃን ፣ ጨለማ"

    ምንጭ   
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   9 months ago
    • ቃለ አጋኖ - በአሳብ የሚሰማ አንዳች ነገርን በማጋነን ድምፅ የሚገለፅበት ፤ ከሌሎችም ቃላት ጋር ስምድናን ሳያደርግ በገዛ ራሱ የሚፀና ቃል "ቃለ አጋኖ" ይባላል።
      • ምሳሌ - "ሆይ፣ አዬ ፣ ጉድ ፣ እህህ ፣ እኮ"
      • አጠቃቀም ምሳሌ :- "አምላኬ ሆይ ፣ እባክህ ማረኝ" ፣ "እህህ፣ ከቶ ምን ይሻለኝ ይሆን?" - በነኝህ አረፍተ ነገሮች ላይ "ሆይ" እና "እህህ" የተሰኙት ቃሎች በአሳብ የሚሰማውን ስሜት በማጋነን እንዲተላለፍ አርገዋል። ስለዚህ እንገርን በማጋነን ድምፅ የሚገልፅ ቃል ሁሉ "ቃለ አጋኖ" ይባላል።
    ምንጭ   
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   9 months ago
    • መስተፃምር - በማሰሪያ አንቀፅ ላይ እየተጫነ የአንቀፁን ማሰሪያነት የሚያስቀርና ፣ የሚመስሉ ነገሮችን የሚያጫፍር ቃል "መስተፃምር" ይባላል። ትርጓሜውም፣ የሚያያይዝ፣ ወይም አያያዥ ማለት ነው። በብዙ ቁጥር ሲሆን መስተፃምራን ወይም መስተፃምሮች ይባላል።
      • ምሳሌ :- "ያዕቆብና ዮሐንስ ትምህርትን ስለወደዱ ወደ ትምህርት ቤት እየሮጡ ይሄዳሉ።" - እነሆ በዚህ አረፍተ ነገር ውስት ሶሥት መስተፃምራን አሉ። እነርሱም "ና ፣ ስለ ፣ እየ" ናቸው። "ና" የሚለው ቃል "ያዕቆብ" እና "ዮሐንስ" በሚሉት ስም መካከል ገብቶ ሁለቱን ስሞች አያይዟል። "ስለ" የሚለው ቃል ደግሞ "ወደዱ" በሚለው ግስ ላይ ተጭኖ የአንቀፁንም ማሰሪያነት አስወግዶ፣ ምክንያት ነጋሪ ሆኗል። "እየ" የሚለው ቃል ደግሞ "ሮጡ" በሚለው ግሥ ላይ ተጭኖ የአንቀፁንም ማሰሪያነት አስወግዶ ግብርን አመልካች ሆኗል። ስለዚህ ማሰሪያ ዓንቀጽ ላይ እየተጫነ የአንቀፁን ማሰሪያነት የሚያስቀርና ስሞችን የሚያጫፍር ቃል ሁሉ "መስተፃምር" ይባላል።
    ምንጭ   
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   9 months ago
    • መስተዋድድ - በስምና በተውላጠ ስም ላይ በመነሻ ብቻ ወይም በመነሻና በመድረሻ እየተጫነ፣ የንግግርን ዝምድና የሚያመለክት ቃል መስተዋድድ ይባላል። ትርጓሜውም የሚያስማማ ወይም አስማሚ ማለት ነው። በብዙ ቁጥር ሲሆን መስተዋድዳን ውይም መስተዋድዶች ይባላል።
      • ምሳሌ :- "ያዕቆብ ከልጆቹ ጋር ወደ ግብፅ ሄደ" - እነሆ እዚህ አረፍተ ነገር ላይ "ከ ፣ ጋር፣ ወደ" የተሰኙት ቃሎች መስተዋድድ ናቸው። "ከ ... ጋር" የተባለው መስተዋድድ "ልጆቹ" የሚለውን ቃል መካከል አድርጎ በመነሻና በመድረሻ ላይ ተጭኖ ያዕቆብ ከልጆቹ ጋር እንደሄደ እንጂ ብቻውን እንዳልሄደ እየገለፀ የቦታውን ንብረት ያመለክታል። "ወደ" የተባለው መስተዋድድ ደግሞ "ግብፅ" በሚለው ስም ላይ በመነሻ ብቻ ተጭኖ ያዕቆብ የሄደበትን ስፍራ ያመለክታል። ስለዚህ በስምና በተውላጠ ስም ፤ ወይም እነዚህን መስለው በሚገኙ ነገሮች ላይ እየተጫኑ ገብቶ የንግግርን ዝምድና የሚያመለክት ቃል ሁሉ መስተዋድድ ይባላል።
    ምንጭ   
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
  • @Melak   9 months ago
    • ተውሳከ ግሥ - ከግስ በፊት እየገባ የአንቀፁን ጠባይ የሚገልፅ ወይም የአንቀፁን ምግባርና ጠባይ እያጎላ የሚገልፅ ቃል ሁሉ "ተውሳከ ግስ" ይባላል። ትርጓሜው በግስ ላይ የሚጨመር ወይም የሚደረብ ማለት ነው። በብዙ ቁጥር ሲሆን "ተውሳካተ ግሥ" ወይም "ተውሳከ ግሶች" ይባላል።
      • ምሳሌ :- "ያዕቆብ ትምህርቱን በጣም ይወዳል። ወደ ትምህርት ቤትም ሁልጊዜ ይሄዳል" - እነሆ ከዚህ ላይ በተሠጠው ምሳሌ ተውሳከ ግሶች "በጣም፣ እና ሁልጊዜ" የሚሉት ቃሎች ናቸው። በቀላሉ ለመናገር ብንፈልግ ኖሮ "ያዕቆብ ትምህርቱን ይወዳል፤ ወደ ትምህርት ቤትም ይሄዳል" ማለት በበቃ ነበር ። ግን የአንቀፆቹን ምግባር ለመግለፅ ሁለት ተውሳካተ ግሶች ተጨመርዋል። 

    ምንጭ  
    ያማርኛ ሰዋስው ፣ ብላታ መርስዔ  ኀዘን ወልደ ቂርቆስ
  • loader Loading content ...
    Load more...
loader Loading content ...

Comments (0)


  This user has no comment yet.