loader

Topics (29)


loader Loading content ...

Explanations (32)


  • @Tariku   1 year ago
    የካቲት 18፣ 1918 ዓም
    • ልዕልት ወይዘሮ መነን (በኋላ ግርማዊት እቴጌ)  ------------------------ 1333 ብር
    • ክቡር ፊታውራሪ ሀብተ ጊዮርጊስ (የጦር ሚኒስትር) --------------------- 300 ብር
    • ክቡር ደጃዝማች ጌታቸው አባተ -------------------------------------- 392 ብር 15 መሐለቅ
    • ክቡር ድጃዝማች ብሩ ወልደ ገብርኤል -------------------------------- 10 ወቄት ወርቅ
    • ደጃዝማች ሀብተ ማርያም ገብረ እግዚአብሔር ------------------------ 200 ወቄት ወርቅ
    • ደጃዝማች አባ ውቃው ---------------------------------------------- 300 ብር
    • ቀኛዝማች ዓምዴ ሀብተ ስላሴ ---------------------------------------- 100 ብር
    • ሙሴ ሌቢስኪ ------------------------------------------------------ 50 ብር
    • ባሻ ወርቄ ---------------------------------------------------------- 20 ብር

    መጋቢት 23፣ 1918 ዓም
    • ክቡር ራስ ኃይሉ (በኋላ ልዑል የተባሉ) ------------------------------- 5000 ብር
    • ክቡር ራስ ከበደ መንገሻ -------------------------------------------- 500 ብር
    • ክቡር ደጃዝማች ሙሉጌታ (በኋላ ራስ የተባሉ) ----------------------- 150 ብር
    • ፊታውራሪ ዓምዴ ሀብተ ስላሴ --------------------------------------  60 ብር  62 መሐለቅ
    • ኮሎኔል ስናፎርድ -------------------------------------------------- አንድ ትልቅ ግሎብ ዋጋው 60 ብር
    • ሙሴ ጳውሎስ
      • በያመቱ 25  የአራት አመት ሂሳብ
      • 100 ኪሎ ስኳር
      • 200 ኩባያ የአሊሚኒየም
      • 12 ታኒካ ጥሩ ሻይ
      • 24  ፎጣ
    • አቶ አስፋው ገሠሠ ዓስራት -------------------------------------- 50 ብር

    ሰኔ 2፣ 1919 ዓም
    • ልዑል ራስ ጉግሳ አርአያ ------------------------------------------ 500 ብር

    ሰኔ 23 ፣ 1919 ዓም
    • ክቡር ደጃዝማች ብሩ ወልደ ገብርኤል
      • 10 ወቄት ወርቅ
      • 10 ጥገት ላም
      • 100 ወላድ በግ
      • 3 ጥንድ በሬ
    • ዲክ ዴዝ አብሩዚ ------------------------------------------------ 1000 ብር
    • ደጃዝማች ሀብተ ማርያም ገብረ እግዚአብሔር --------------------- 200 ብር

    ምንጭ   
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)

  • loader Loading content ...
  • @Tariku   1 year ago
    እኔ የኢትዮጵያ መንግስት አልጋ ወራሽ ተፈሪ ምኮንን ለቤተ መንግስትም ስራ ቢሆን፣ ለቤተ ክህነትም ስራ ቢሆን ወይም ለየራሱ ስራ ቢሆን ለሰው ሁሉ መጀመሪያ የሚያስፈልገው ትምህርት መሆኑን ስለተረዳሁ ይህን የትምህርት ቤት አቁሜያለሁ። ስሙም ተፈሪ መኮንን ትምህርት ቤት ተብሏል። 

    ዳግም የትምህርቱን አኳኋን አስተማሪዎቹ የሚያስተምሩበትን ተማሪዎቹ የሚማሩበትን ደንብ ከዚህ ቀጥሎ እንደተፃፈው አቁሜአለሁ። 
    ...

    ከአንቀፅ 49 እስከ 52

    በምግብ ቤት ለአንዳንዱ ተማሪ የሚያስፈልግ እቃ።
    • ሁለት የውጥ ሳህን
    • አንድ የሾርባ ሳህን
    • አንድ የሾርባ ማቅረቢያ ሳህን ለ፰ (8) ተማሪዎች
    • ሦስት የምግብ ማቅረቢያ ሳህን ለ፰ (8) ተማሪዎች
    • አንድ ባንድነት የሆነ የዘይት የጨው የቁንዶ በርበሬ ለ፰ (8) ተማሪዎች
    • አንድ ማብረጃ የውሃ ለ፬ (4) ተማሪዎች
    • አንድ ብርጭቆ ለእያንዳንዱ
    • አንድ  ቢላዋ
    • አንድ ሹካ
    • አንድ የሾርባ ማንካ
    • አንድ የቡን ማንካ
    • አንድ የቡን ሲኒ
    • አንድ የሻይ ሲኒ
    • አንድ የገበታ ላይ ፎጣ በመብል ጊዜ ለየአንዳንዱ
    • አንድ የክኳር ማቅረቢያ ለ፰ (8) ተማሪዎች

    በመኝታ ጊዜ ለየአንዳንዱ ተማሪ የሚያስፈልግ እቃ።
    • አንድ አልጋ
    • አንድ ፍራሽ
    • ሁለት ያልጋ ምንጣፍ
    • አንድ ትራስ
    • ሁለት የትራስ ልብስ
    • ሁለት ብርድ ልብስ
    • ሁለት የሌሊት ቀሚስና ሱሪ
    • አንድ ትንሽ ጠረጴዛ (በውሥጡ የሽንት ቶፋ የሚያስቀምጥ)
    • አንድ ማብረጃ ለውሃ
    • አንድ ብርጭቆ
    • አንድ የመታጠቢያ ፎጣ
    • አንድ ብሩሽ
    • አንድ ሚዶ
    • አንድ የጥርሥ ብሩሽ
    • አንድ ሰፍነግ ለመታጠቢያ
    • አንድ የጥርሥ መታጠቢያ ዱቄት
    • አንድ ሣጥን የተማሪው ስምና ንምራ የተፃፈበት

    ለየአንዳንዱ ተማሪ የሚያስፈልግ የዘወትር ልብስ።
    • አንድ ካኪ ኮት
    • አንድ ካኪ ቁምጣ ሱሪ
    • ሁለት የውስጥ ሱሬ
    • ሁለት የውስጥ ቀሚስ
    • ሁለት የገላ የውስጥ ሹራብ የጥጥ
    • ሁለት መሐረም
    • አንድ ቆብ፤ ጥቁርና የትምህርት ቤት ምልክት ያለበት
    • አንድ የጠዋት ልብስ ወይም በርኖስ
    • አንድ ነጠላ ጫማ

    የበዓል ወይም ከሰው መገናኛ ልብስ
    • አንድ ኮት
    • አንድ ሱሪ
    • ሁለት የገላ የውስጥ ሹራብ የጥጥ
    • ሁለት መሐረም
    • አንድ የአውሮፓ ጫማ

    ለእያንዳንዱ ተማሪ ለትምህርት የሚያስፈልግ መሳሪያ መፅሐፍ በያይነቱ
    • አንድ ደብተር
    • አንድ ብርዕ
    • አንድ መድ ቀለም
    • አንድ እርሳስ
    • አንድ ላፒሥ
    • አንድ የእርሳስ ማሾያ በአንድ ጠረጴዛ ላይ የሚቀመጥ
    • አንድ ሠንጢ በአንድ ጠረጴዛ ላይ የሚቀመጥ

    ምንጭ   
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)

  • loader Loading content ...
  • @Tariku   1 year ago
    እኔ የኢትዮጵያ መንግስት አልጋ ወራሽ ተፈሪ ምኮንን ለቤተ መንግስትም ስራ ቢሆን፣ ለቤተ ክህነትም ስራ ቢሆን ወይም ለየራሱ ስራ ቢሆን ለሰው ሁሉ መጀመሪያ የሚያስፈልገው ትምህርት መሆኑን ስለተረዳሁ ይህን የትምህርት ቤት አቁሜያለሁ። ስሙም ተፈሪ መኮንን ትምህርት ቤት ተብሏል።

    ዳግም የትምህርቱን አኳኋን አስተማሪዎቹ የሚያስተምሩበትን ተማሪዎቹ የሚማሩበትን ደንብ ከዚህ ቀጥሎ እንደተፃፈው አቁሜአለሁ። 

    ...

    አንቀፅ ሠላሳ ስምንት
    ልጆቻቸው ወደዚህ ትምህርት ቤት የሚያገቡ ሰዎች ሁሉ ለገንዘቡ መክፈል ስለ ልጆቻቸው ሃላፊነት አለባቸው። አባት  የሌላቸው ግን ዘመዶቻቸውን ወይም ወዳጆቻቸውን ተያዥ ሰጥተው ይገባሉ።

    አንቀፅ ሠላሳ ዘጠኝ
    በዚህ ትምህርት ቤት ነዋሪሆነው የሚማሩ ልጆች ምግባቸውና መኖሪያቸው መጀመሪያ ቁጥር ስለ ሆነ ባመት ዘጠና ብር ይከፍላሉ፤ ልዩ ምግብ አድርጉልኝ የሚል የተገኘ እንደ ሆነ እንደራሴው አይቶ ያሥጨምራል። ይኸውም ገንዘብ የሚከፈለው በሶስት ጊዜ ነው።
    • መጀመሪያ በመስከረም ሠላሳ ብር
    • ሁለተኛ በጥር ሠላሳ ብር
    • ሦስተኛ በሚያዝያ ሠላሳ ብር

    አንቀፅ አርባ
    በዚህ ትምህርት ቤት ሁለት ወይም ሦስት ወንድማማች የገቡ እንደሆነ ከሚከፍሉት ገንዘብ ከመቶ አምስት ይጎድልላቸዋል።

    አንቀፅ አርባ አንድ
    የትምህርት ቤት እንደራሴው የሚከፍለውን ገንዘብ የሚያስታውቅ የሂሳብ ወረቀት ወደልጁ አባት ይልካል። የልጁም አባት ወረቀቱ ከደረሰለት በኋላ እስከ አስር ቀን ገንዘቡን ያልከፈለ እንደሆነ እንደራሴው ለትምህርት ቤት ዲሬክተር አስታውቆ ልጁን ከትምህርት ቤቱ ያስወጣል።

    አንቀፅ አርባ ሁለት
    በየቤታቸው እየኖሩ እየተመላለሱ ለመማር የሚፈቀድላቸው ልጆች እድሜያቸው ከአስር አመት እስከ አስራ አምስት አመት ለሆነው ነው። እድሜያቸው ከአስራ አምስት አመት በላይ ለሆነ ግን ከበላይ ልዩ ፈቃድ መቀበል ያስፈልገዋል። እነዚሁም የትምህርት ቤቱ የሚችለውን ያህል ቁጥራቸው እየተወሰነ የገባሉ።

    አንቀፅ አርባ ሦስት
    እየተመላለሱ የሚማሩ ልጆች ምሳቸውን በትምህርት ቤቱ ለመብላት የፈለጉ እንድሆነ በየወሩ ሦስት ሦስት ብር ይከፍላሉ፤ አከፋፈሉም ባመት ሦስት ጊዜ ነው።

    አንቀፅ አርባ አራት
    እየተመላለሱ የሚማሩ ተማሪዎች የትምህርት ቤቱ ከሚዘጋበት ከትልልቅ በዓልና ከእሑድ በቀር ከትምህርት ቤት እንዳይቀሩ ተወስኗል። ነገር ግን በድንገት በሽታ፤ ወይም ሌላ አደጋ ቢያገኛቸው ዕለቱን በጽሕፈት አድርገው ልዲሬክተሩ ያስታውቃሉ።

    አንቀፅ አርባ አምስት
    እየተመላለሱ የሚማሩ ተማሪዎች ከየቤታቸው ካመጡት መፅሃፍና ወረቀት፣ ቀለምና ብርዕ፣ እርሳስ በቀር ከትምህርት ቤት ማናቸውንም ቢሆን ይዘው እንዳይወጡ ተከልክለዋል።

    አንቀፅ አርባ ስድስት
    በዚህ ትምህርት ቤት እየተመላለሱ የሚማሩ ልጆች ለመጽሃፍ ለቀለም ለወረቀት፣ ለእርሳስ ለብርዕ መግዣ በየወሩ አንዳንድ ብር ይከፍላሉ። ወይም ይህንኑ የሚያስፈልጋቸውን ሁሉ በገንዘባቸው እየገዙ ያመጣሉ።

    አንቀፅ አርባ ሰባት
    በዚሁ ትምህርት ቤት ነዋሪ ሆነው ወይም እየተመላለሱ የሚማሩ ልጆች የማይለቅ በሽታ ወይም ትምህርት የሚከለክል ዋና ምክናት ካላገኛቸው በቀር በዚህ ትምህርት ቤት የተወሰነውን ትምህርት ሳይጨርሱ በጭራሽ ወጥቶ ለመሄድ አልተፈቀደላቸውም። አለፈቃድም ቢወጡ ተመልሰው እንዳይገቡ ይከለከላሉ፤ በመጀመሪያም የከፈሉትን ገንዘብ መልሱን ለማለት አይችሉም።

    አንቀፅ አርባ ስምንት
    በተፈሪ መኮንን ትምህርት ቤት ነዋሪዎች ወይም ተመላላሾች ልጆች የሚከፍሉት ገንዘብ ለጊዜው ከዚህ በላይ እንደተፃፈው ስለተወሰነ፣ ወደፊት የገንዘብ መርከስና መወደድ እየታየ ለመጨመርም ለማጉደልም ይቻላል።


    ምንጭ  
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)

  • loader Loading content ...
  • @Tariku   1 year ago
    እኔ የኢትዮጵያ መንግስት አልጋ ወራሽ ተፈሪ ምኮንን ለቤተ መንግስትም ስራ ቢሆን፣ ለቤተ ክህነትም ስራ ቢሆን ወይም ለየራሱ ስራ ቢሆን ለሰው ሁሉ መጀመሪያ የሚያስፈልገው ትምህርት መሆኑን ስለተረዳሁ ይህን የትምህርት ቤት አቁሜያለሁ። ስሙም ተፈሪ መኮንን ትምህርት ቤት ተብሏል።

    ዳግም የትምህርቱን አኳኋን አስተማሪዎቹ የሚያስተምሩበትን ተማሪዎቹ የሚማሩበትን ደንብ ከዚህ ቀጥሎ እንደተፃፈው አቁሜአለሁ። 

    ...

    አንቀፅ ሠላሳ ሶስት
    እድሜያቸው ከ፲ (10) ዓመት በታች ለሆኑ ልጆች የመኝታ ስፍራቸው ከትልልቆቹ ልጆች በላይ ይሆንላቸዋል። በተፈሪ መኮንን ትምህርት ቤት ነዋሪ ሆነው ለሚማሩ ልጆች ጣፋጭ ምግብ እንደራሴው እየገዛ በየሳምንቱ ይሰጣቸዋል።

    አንቀፅ ሠላሳ አራት
    በትምህርት ቤት ነዋሪ ሆነው የሚማሩ ልጆች ከእንደራሴው ሳያስፈቀዱ መብልና መጠጥ ከውጭ እንዳያገቡ ተከልክለዋል።

    አንቀፅ ሰላሳ አምስት
    በዚህ ትምህርት ቤት የሚማሩትን ልጆች ዘመዶቻቸው ወይም ወዳጆቻቸው ለማየት ቢፈልጉ አስቀድመው ከአባቶቻቸው ቀጥሎም ከእንደራሴው ሳያስፈቅዱ ለማየት አልተፈቀደም። ለማየት የሚመቻቸው ቅዳሜ ቅዳሜ ወደ ማታ ከአስር ሰዓት ጀምሮ እስከ አስራ ሁለት ሰዓት ነው።

    አንቀፅ ሠላሳ ስድስት
    በታላላቅ በዓልና በእሁድ ቀን ተማሪዎች ትምህርት የማይማሩ ስለሆኑ የልጁ አባት ልጄ ወደ ቤቴ መጥቶ እንዲያየኝ እለምናለሁ ብሎ ወደ እንደራሴው የፃፈ እንደሆነ ልጁ ሄዶ እስከ አሥራ አንድ ሰዓት በአባቱ ቤት ውሎ በአሥራ አንድ ሰዓት ወደ ትምህርት ቤቱ እንዲመለስ ይፈቀድለታል። ለዚሁም ቢሆን አባት ልጁን የሚያመላልስበት አንድ የታመነ ሰው እየላከ ይመላለሳል እንጂ እንደራሴው የሚያመላልስ ሰውመስጠትና በጥፋቱ አላፊነት የለበትም።

    አንቀፅ ሠላሳ ሰባተኛ
    በዚህ ትምህርት ቤት የሚማሩ ልጆች ስለ ጤናቸው በየወሩ ወደ ተፈሪ መኮንን ሆስፒታል ወደ ቤተ ሳይዳ እየሄዱ ይመረመራሉ። ከነዚሁም መካከል በድንገት የሚጋባ በሽታ የታመመ ተማሪ ቢገኝ ጉለሌ ወደ ተፈሪ መኮንን ሆስፒታል ሄዶ ይታከማል፤ ወይም ዘመዶቹ ወስደንእናስታምማለን ቢሉ አይከለከሉም። ታምሞ ከዳነ በኋላ ፈፅሞ መዳኑን የሚመሰክር ወረቀት ከሐኪም ካልተቀበለ ተምልሶ ወደ ትምህርት ቤት እንዳይገባ ክልክል ነው።

    ምንጭ  
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)

  • loader Loading content ...
  • @Tariku   1 year ago
    እኔ የኢትዮጵያ መንግስት አልጋ ወራሽ ተፈሪ ምኮንን ለቤተ መንግስትም ስራ ቢሆን፣ ለቤተ ክህነትም ስራ ቢሆን ወይም ለየራሱ ስራ ቢሆን ለሰው ሁሉ መጀመሪያ የሚያስፈልገው ትምህርት መሆኑን ስለተረዳሁ ይህን የትምህርት ቤት አቁሜያለሁ። ስሙም ተፈሪ መኮንን ትምህርት ቤት ተብሏል።

    ዳግም የትምህርቱን አኳኋን አስተማሪዎቹ የሚያስተምሩበትን ተማሪዎቹ የሚማሩበትን ደንብ ከዚህ ቀጥሎ እንደተፃፈው አቁሜአለሁ። 
    ...

    አንቀፅ ሃያ ሰባተኛ
    በተፈሪ መኮንን ትምህርት ቤት ነዋሪ ሆነው ለመማር የሚፈቀድላቸው ልጆች እድሜያቸው ከአስር አመት እስከ አስራ አምስት አመት ለሆነ ነው። ነገር ኝ እድሜያቸው ከአስር አመት ያነስ፣ ከአስራ አምስት አመት የበለጠ የሆነ እንደሆነ ከበላይ ልይ ፈቃድ መቀበል ያስፈልጋል።

    አንቀፅ ሃያ ስምንተኛ
    ልጁን ወደዚህ ትምህርት ቤት ለማግባት የሚፈልግ ሰው በመጀመሪያ ወደ ትምህርት ቤት መጥቶ ስፍራ መኖሩን አለመኖሩን ለመጠየቅ የፈቃድ መጠየቂያ ከተባለው አንድ ወረቀት ይቀበላል። በዚህም በፈቃድ መጠየቂያ ወረቀት ላይ እንዲህ ተብሎ ይፃፋል።
    እኔ እገሌ: ------------------
    ስራዬ: ----------------------
    መኖሪያዬ: ------------------
    የልጄ ስም: -----------------
    ልጄ በተፈሪ መኮንን ትምህርት ቤት ነዋሪ ሆኖ ወይም እየተመላለሰ እንዲማር እፈልጋለሁና ስፍራ የሚገኝለት እንደሆነ ለትምህርት ቤቱ የሚከፈለውን ገንዘብ እንደ ደንቡ እከፍላልሁ ብሎ ፊርማውን አድርጎ ወደ እንደራሴው ይልካል። እንደራሴውም ስፍራ የሌለ እንደሆነ ስፍራ የለም ብሎ፤ ስፍራ እንዳለ ግን በፍጥነት ለበላይ አስታውቆ የተቆጠረውን ነገር በፅህፈት አድርጎ ለልጁ አባት ያስታውቃል።

    አንቀፅ ሃያ ዘጠነኛ
    ልጁ በትምህርት ቤት ነዋሪ ሆኖ ወይም የቀን ተመላላሽ ሆኖ እንዲማርለት ፈቃድ ያገኘ ሰው እገሌ ገና ወደ ትምህርት ቤት መጥቶ ሦስት ወረቀት ይፈርማል። ይኸውም አንደኛው የልጁን አመል መመስከሪያ ነው። ሁለተኛው ወረቀት የልጁን እድሜ መመስከሪያ ነው። ሦስተኛው ወረቀት ስለ ልጁ ጤና ሐኪም የሚመሰክርበት ነው።

    አንቀፅ ሠላሳ
    ያመል መመስከሪያ ወረቀት ከዚህ ቀጥሎ እንዳለው ነው
    እኔ እገሌ: ---------------------
    ስራዬ: -------------------------
    መኖሪያዬ: ---------------------
    የልጁ ስም: --------------------
    የአባቱ ስም: ------------------
    ይህን ያህል አመት ወይም ይህን ያህል ወር አውቀዋለሁና አመሉ መልካም መሆኑን እመሰክራለሁ። (የመስካሪ ፊርማ)
    ለዚህ ለልጅ አመል መልካምነት ምስክር ሆኖ የሚፈርመው ልጁ ከዚህ በፊት ከሌላ ትምህርት ቤት ገብቶ እንደሆነ አስተማሪው ነው፤ በፊት በትምህርት ቤት አልገባ እንደሆነ ግን የታመነና የታወቀ አንድ ጨዋ ሰው አስፈርሞ ያመጣል።

    አንቀፅ ሠላሳ አንደኛ
    የልጁን እድሜ መመስከሪያ ወረቀት አጻጻፍ ከዚህ ቀጥሎ እንዳለው ነው።
    እኔ እገሌ: ---------------------
    ስራዬ: -------------------------
    መኖሪያዬ: ---------------------
    የልጁ ስም: --------------------
    የአባቱ ስም: ------------------
    የተወለደው በ፲፱፻ ዓም ነውና እድሜው መሆኑን እመሰክራለሁ። (የእድሜ መስካሪ ፊርማ )
    ስለ እድሜ ምስክር ሆኖ የሚፈርም አባቱ ወይም ከጎረቤቱና ከዘመዱ አንድ ዋና ጨዋ ሰው ነው።

    አንቀፅ ሰላሳ ሁለት
    የጤና መመስከሪያ ወረቀት አጻጻፍ ከዚህ ቀጥሎ እንዳለው ነው
    እኔ ሐኪም: --------------------
    የልጁ ስም: ---------------------
    ያባቱ ስም: ---------------------
    ስወነቱን መርምሬ ባለጤና መሆኑንና የሚጋባ በሽታ እንደሌለበት እመሰክራለሁ። የፈንጣጣ በሽታ በክትባት ወይም በወረርሽኝ ወጥቶለታል። (የሐኪሙ ፊርማ)

    የትምህርት ቤት እንደራሴ የልጁን አባትና የምስክሮቹን ፊርማ አይቶ ወደ ትምህርት ቤት ለመግባት የሚችል መሆኑን ከተረዳ በኋላ የሚገባበትን ቀን ለአባቱ ወይም ለሞግዚቱ ያስታውቃል።


    ምንጭ  
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)

  • loader Loading content ...
  • @Tariku   1 year ago
    እኔ የኢትዮጵያ መንግስት አልጋ ወራሽ ተፈሪ ምኮንን ለቤተ መንግስትም ስራ ቢሆን፣ ለቤተ ክህነትም ስራ ቢሆን ወይም ለየራሱ ስራ ቢሆን ለሰው ሁሉ መጀመሪያ የሚያስፈልገው ትምህርት መሆኑን ስለተረዳሁ ይህን የትምህርት ቤት አቁሜያለሁ። ስሙም ተፈሪ መኮንን ትምህርት ቤት ተብሏል።

    ዳግም የትምህርቱን አኳኋን አስተማሪዎቹ የሚያስተምሩበትን ተማሪዎቹ የሚማሩበትን ደንብ ከዚህ ቀጥሎ እንደተፃፈው አቁሜአለሁ። 
    ...

    አንቀፅ ሃያ አራተኛ
    የትምህርት ቤት አስተማሪዎች ተማሪዎችን በትምህርት ቤት ግቢ የየራሳቸውን ስራ ለማሰራት ወይም ከትምህርት ቤት ውጭ ከአንድ ስፍራ ወደ ሌላው ስፍራ ለመላክ ወይም እንደ አሽከር አስከትለው ለመሄድ አልተፈቀደላቸውም።

    አንቀፅ ሃያ አምስት
    ተማሪዎች ማናቸውንም አይነት ጥፋት ባጠፉ ጊዜ አስተማሪዎቻቸው ቁም፣ ተቀመጥ፣ እጅህን ዘርጋ፣ እጅህን ሰብስብ፣ ከሰው ሳትገናኝ ይህን ያህል ሰዓት በዝግ ቤት ተቀመጥ እያሉ በቀላል ቅጣት ይቀጧቸዋል እንጂ፤ በአለንጋ፣ በጥፊ፣ በበትር፣ በክርን፣ ይህን በመሰለ በልጆች ላይ በሽታ የሚያመጣ በብርቱ ቅጣት እንዳይቀጡ ተከልክሏል። ነገር ግን በትምህርት ቤት አጥር ግቢ የአትክልትና የአበባ ሥራ በማሰራት ቢቀጧቸው አይከለከሉም።

    አንቀፅ ሃያ ስድስተኛ
    ከተማሪዎቹ መካከል ሁከተኛና ከሰው ጋር የማይስማማ ተማሪ የተገኘ እንደሆነ አስተማሪዎቹ ሁለትና ሶስት ጊዜ እየመከሩና እየተቆጡ ያሳልፉታል፤ ክምራቸውን የማይቀበል የሆነ እንደሆነ በትምህርት ቤት ደንብ ይቀጡታል። ነገር ኝ ከቅጣቱ በኋላ ሁከተኛነቱን የማይተው የሆነ እንደሆነ ለዲሬክተር በፅህፈት አስታውቀው ዲሬክተሩ መርምሮ እንዲያስወጣው ተፈቅዶለታል።

    ምንጭ  
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)
  • loader Loading content ...
  • @Tariku   1 year ago
    የተፈሪ መኮንን ትምህርት ቤት ትምህርት ቤቱ ሲከፈት የመጀመሪያዎቹ አስተማሪዎች እና ሰራተኞችን በተመለከተ ተፈሪ መኮንን በደንባቸው ላይ የሚከተለውን ደንግገው ነበር።
    ----

    እኔ የኢትዮጵያ መንግስት አልጋ ወራሽ ተፈሪ ምኮንን ለቤተ መንግስትም ስራ ቢሆን፣ ለቤተ ክህነትም ስራ ቢሆን ወይም ለየራሱ ስራ ቢሆን ለሰው ሁሉ መጀመሪያ የሚያስፈልገው ትምህርት መሆኑን ስለተረዳሁ ይህን የትምህርት ቤት አቁሜያለሁ። ስሙም ተፈሪ መኮንን ትምህርት ቤት ተብሏል።

    ዳግም የትምህርቱን አኳኋን አስተማሪዎቹ የሚያስተምሩበትን ተማሪዎቹ የሚማሩበትን ደንብ ከዚህ ቀጥሎ እንደተፃፈው አቁሜአለሁ።

    ዓንቀጽ አንድ
    ለተፈሪ መኮንን ትምህርት ቤት አስተማሪዎችና ሰራተኞች ቅጥራቸው ከዚህ ቀጥሎ ያለው ነው።
    • አንድ እንደራሴ
    • አንድ ዳሬክተር
    • አንድ የግዕዝ ቋንቋ አስተማሪ
    • አንድ የአማርኛ ቋንቋ አስተማሪ
    • አንድ የሰልፍና ጅምናስቲክ አስተማሪ
    • ሁለት የፈረንሳዊ ቋንቋ አስተማሪዎች
    • ሁለት የእንግሊዝኛ ቋንቋ አስተማሪዎች
    • አንድ የስዕል ስራ አስተማሪ
    • አንድ የእንጨት ስራ አስተማሪ
    • አንድ የቤት አዛዥ እና ጠባቂ
    • አንድ የቤት አዛዥ ረዳት 
    • አንድ እገንዘብና የእቃ ሹም
    • አንድ የገንዘብ ገቢና ወጪ ፃሃፊ
    • ሁለት ልብስ አጣቢዎች
    • ሁለት ወጥ አሰናጂዎች
    • ሁለት አሳላፊዎች
    • አንድ ልብስ ሰፊ
    • ሁለት አበዛዎች
    • ሁለት ውሃ ቀጂዎች
    • ሁለት ቤት ጠራጊዎች፣ ተላላኪዎች
    • አንድ የውስጥ በረኛ
    • አንድ የውጭ በረኛ
    ነገር ግን አሁን ለጊዜው ቁጥራቸው ይህ ስለሆነ ቢያስፈልግም ከነዚህ ላይ ይጨመራል፤ ባያስፈልግም ከነዚህ ላይ ይጎድላል እንጂ በዚህ ተውስኖ አይኖርም። 

    ምንጭ 
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)
  • loader Loading content ...
  • @Tariku   1 year ago
    በሃገራችን የመጀመሪያ የሆነው የዘመናዊ ትምህርት ቤት ባልጋ ወራሽ ተፈሪ መኮንን ተሰርቶ ሲመርቅ፣ የትምህርት ቤቱ ሃላፊ ሆነው የተሾሙት ሀኪም ወርቅነህ እሸቴ ስለትምህርት ሃያልነት ለተማሪዎች ለመግለፅ ያረጉት ነግገር የሚከተለው ነበር።

    "ያገራችን ልጆች በትምህርትና በመልካም አስተዳደግ እንዲያድጉ አስበው ይህነን ተማሪ ቤት በትልቅ ቸርነትና ለጋስነት ባቆሙ በልዑል አልጋ ወራሻችን ስም ለዚሁ ተማሪ ቤት ተማሪዎች እንኳን በደህና መጣችሁ ብዬ ምርቃን ላቀርብላችሁ እንዲፈቀድልኝ እለምናለሁ።

    ወዳጆቼ ሆይ ትምህርት ለህዝባችን ዋና የሚያስፈልገው ነገር ነው። ስለዚህ አስራ ሁለት ወይም አስራ አምስት ሚልዮን ለሚያህሉ ላገራችን ስዎች አንድ ወይም ሁለት ትምህርት ቤት ምንም አይበቃቸውም፤ ግን ሀብታሞችና የበለጠጉ ያገራችን ሰዎች የልዑል አልጋ ውራሻችንን መልካም አርአያ እንዲከተሉና በያገሩ ክፍል ለልጆችና ለሴት ልጆች የሚሆኑ ብዙ ተማሪ ቤቶች እንዲከፍቱልንና ካገራችን ልጆች ቢያንስ ቢያንስ ጥቂት ሺ ልጆች የትምህርት እድል እንዲያገኙልን ተስፋ እናድርግ። ባገሩ ስፋትና ቁመት ሙሉ በእንዲያው የሚማሩበትን ተማሪ ቤት ማቆምና ማኖር ልጆችና ሲት ልጆች ሁሉ ትምህርት እንዲያገኙ ማሰብ በውነት የመንግስት ስራ ነበር፤ ግን ይህ ስራ ለመንግስታችን የሚገባ ስራ መሆኑ ስላልተገለጠላቸው እጅግ አዝናለሁ። ከአያሌ ዘመን በፊት የኢትዮጵያ ህዝብ በዘመኑ በነበረው ብልሃትና እውቀት የሰለጠኑ ነበሩ። ግን ልዩ ልዩ በሆነ አኳኋን እየተበላሸን ሂድንና ዛሬ ጭራሽ ወደ ኋላ ካሉት ህዝቦች ጋር ነን። ወደ ኋላ መሆን ማለት እውቀት፣ ትምህርት፣ ሀብትና ሥልጣን ማጣት ማለት ነው። ስለዚህ በሌላ ሕዝብ ፊት ከበሬታ አናገኝም። ለራሳችንም ዓርነት ኑሮ ያስፈራናል። የዓለም ታሪክ ለማያውቁ፤ የፍጥረትንም ህግጋት ላላስተዋሉ ህዝባችን ባሁኑ ኑሮዋችን ባለፉት ሦስት መቶ አመት አነዋወር መኖር መልካም እንደሆነና የውጭ አግሮች በነገሩ መካከል ሳይገቡ የነገሩንም አኳኋን ልብ ሳያደርጉት ሊቀር እንዲሚቻል ሆኖ ይታያቸዋል። ይህ ግን የኛ ትልቅ ስህተት እንደሆነ አስረግጥላችኋለሁ። እንዴት ብትሉ ፀንቶ የቆመ የፍጥረት ሕግ ነውና ማናቸውም ሰው ወይም ህዝብ በለው አኳኋን ብዙ ጊዚ ሊቆይ አይችልም። ወይ ወደፊት የገፋል። ወይም ወደ ኋላ ይቀራል። ወደ ኋላ የቀረ እንደመሆን ግን ከርሱ የበለጠ ስልጣን ባላቸው ሰዎች ይሰጥማል።

    ይህ ህግ በአለም ሙሉ የፀና ነው። ወይም በፍጥነት ወይም በመዘግየት ከኛ የበለጠ ብልሃትና እውቀት ካላቸው ህዝብ ጋር ስንቃረብ ይህ ሀግ በኛ ዘንድም እንዲሰራ እንዲቀዳ ባይመስለን ኝ ሃሳባችን ትክክል እንዳልሆነ እርግጥ ነው። የበለጠው ብቻ ይኖራል የሚለው ህግ ሰው እኖራለሁ ብሎ የታገላል እንደሚል ህግ ያህል የማይለወጥ ዋና ነገር ነው። በዚህ አለም ከሆነ እንደሌሎችም ሰዎች ከሆነ እኛም ከዚህ ህግ እንደማናመልጥ እርግጥ ነው። እናመልጥበታለን ብለን እስከ ማሰብ ደርሰን ብንሞኝ ግን፣ ውለን አድረን የሚያሳዝንና የሚያፀፅት መንቃት እንነቃለን። እንግዲህ ወዳጆቼ ሆይ አሁን ጊዜ ሳለን እንንቃ፤ ጊዜ ሳያልፍም እንታጠቅና እንስራ። ምኞት የሞላበት ፊታችሁ ብርሃንና ትምህርትን ሲናፍቅ ማየቴ እናትና አባቶቻችህ የትምህርት ጥቅም እንደሚያስፈልገን ማወቃቸውን ይመሰክርልኛል። ደስ ያሰኛል፤ በተወደደችው አገራችን ለሚሆን ጊዜ እምደሚመጣም ተስፋ ያስደርገኛል። የጃፓን ሰዎች የሕዝባቸውን ሕይወትና ነፃነት ከጥፋት ያዳኑ ይህንን ዋና የሚያሻቸውን ነገር በጊዜ ስላወቁ ነው።

    ስለ ኑሮዋቸውም ታግለው ድል ለማድረግ ቢፈልጉ የአውሮፓዎችን እውቀት ማወቅ፣ እሱም በቶሎ ማወቁ ግድ እንደሆነ ተረድተው በትጋት መስራት ጀመሩና በአለም ታሪክ ሌሎችን ህዝም ለመድረሱ ብዙ ዘመን ወዳስፈለጋቸው ደረጃ እርሳቸው በስልሳ አመት ውስጥ ደረሱበት። ዛሬ ጃፓኖች እንደማናቸውም የኤሮፓ ህዝብ ያህል ወደፊት ያሉ ኃይለኞች የሰለጠኑ ናቸው። ይህንን የሚያስደንቅና የሚያስመሰግን የድፍን ህዝብ ወደ ሩቅ ማየት ጥበብና የሃሳብን መቁረጥ አርአያ እንከተል።፤ የሚያብብ የተማረ ኃይለኛ ሕዝብ እንድንሆንና የጥንት ነፃነታችንን ለመጠበቅ እንድንችል ጉድለታችንንና ድንቁርናችንን በፍትነት እንምላው። አንዳን ሰዎች እግዚአብሄር አሳልፎ አይሰጠነም፤ እሱ ይጠብቀናል ይሉዋችኋል። ግን እግዚአብሄር ራሳቸውን የሚረዱ ብቻ እንዲረዳ እውቀትን የሚንቁም የሚገባውን መጠንቀቅ እንደማይጠነቀቁና ጥፋትና መቸነፍ የተፈረደባችሁ እንደሆኑ እነግራችኋለሁ።

    እንግዲህ ልጆቼ ሆይ፣ እኔ የምመክራጩ በእውነት የተማሩ ማለት በቋንቋ፣ በታሪክ፣ በጂኦግራፊ፣ በሂሳብ፣ በእውቀት መልካም መሰረት ያላችሁ እንድትሆኑ ሌትና ቀን እንድትጣጣሩ ነው እንጂ ያንድ የውጭ አገር ቋንቋ አፍአዊ እውቀት ይዛችሁ እንደ አነጋጋሪ ለኑሮዋችሁ የሚበቃ ለማኘት እንዳታስቡ ነው። ይልቁንም ከፍ ያለ የመልካም አካሄድና የሃይማኖት ትምህርት ያዙ። በዚህ ካላችሁ ልጆች ብዙዎች ትልልቅ ሆነዋልና አሁን ከመጀመሪያ ልትጀምሩ ግድ ተሆነ ከፍ ወዳለ ትምህርት ቤት ማእረግ አትደርሱም ይሆናል ብዬ እፈራለሁ።  ግን  ቢያንስ  ግማ ሁ  ከትንን ቹ  የትምህርት  ደኞ ቻች ሁ  የበለጠ  በመጣጣር  በከንቱ  ያሳ ለፋች ሁትን  ጊዜ  እንድ ተኩት  ተስፋ  አደርጋለሁ ። 

    እንግዲህ ነገሬን ስጨርስ እናንተ ትልልቆቹ በነገራችሁ በአካሄዳችሁ ልትጠነቀቁ እለምናችኋለሁ። ይህ ደግሞ በምግባራቸው እናንተ አላፊዎች ስለሆናችሁላቸው ስለ ትንንሾቹ የትምህርት ጓደኞቻችሁ መልካም አርአያ እንድትሆኑዋቸው ነው እንጂ ስለ ራሳችሁ ብቻ አይደለም። ትምህርት የሚያስፈልግ መሆኑን ካንድ ትልቅ ሰው ጋር ስንጫወት የውጭ አገር ቋንቋ ያወቁና የተማሩ ናቸው የሚባሉት ሀበሾች ልክ እንዳልተማሩት ያህል ቀጣፊዎች የማይታመኑ ከሆኑ ለሐበሻ ትምህርት አይጠቅማቸውም አሉኝ።

    ይህንን ስሰማ እጅግ አሳዘነኝ፤ ግን ለዚያ ሰው ትምህርት ማለት አንድ የውጭ አገር ቋንቋ ማውቅ ብቻ እንዳልሆነ ነገርሁት። ዛሬ ድረስ ከልጆቻችን የሚበልጡት የተማሩት ይኸ ብቻ ነው። ትምህርት ማለትም እስከ ውስጥ የሚዘልቅ ጥንቃቄ፣ ያካሄድና የአእምሮ ማስተማር ማለት እንደሆነ ነገርኩዋቸው፤ ትንሽ ትምህርት የሚያስፈራ ነገር ነው፤ "ከፒሬያን ምንጭ ወይ አብዝተህ ጠጣ ወይም አትቅመስ" የሚለውን የግሪክ ተረት በውነት የተረገጠ ነገር መሆኑን ገለጥኩላቸው፤ ከፒሬያን ምንጭ የተረት ምንጭ ከርሱ ውኃ ጥቂት ብቻ የጠጡበት እንድሆነ ይገድላል። ብዙ ቢጠጡለት ግን ጤና ጉልበት እውቀት ይሰጣል ይባላል። እንግዲህ ወዳጆቸ ሆይ ይህንን አስቡና ከእውቀት ብዙ ጠጡ፤ ረጂም ጊዜ ጠጡለት። የዘመናችሁንም ትምህርትየጌታችን የኢየሱስ ክርስቶስን ትምህርትና ትእዛዝ በጥንቃቄ በመከተል ቀድሱበት። ክርስቲያን ተብሎ መጠራት ብቻ አይበቃም፤ በኑሮዋጩ በምግባራችሁ በስራችሁም ክርስቲያን መሆናችሁን ልታሳዩ ይገባችኋል። ደግሞ ጥቂት ያካሄድ ስርአታት እንድሠጣችሁ ፍቀዱልኝ፤ እርዳታ እንዲሆኗችሁ ተስፋ አደርጋለሁ።

    1. እውነተኛና ትክክለኛ ሰው ሁኑ።
    2. በቃልህና በስራህ ንፁህ ሁን።
    3. ቅንና ክብረት የሚገባው ሁን።
    4. ቸር ሁን፤ በህዝባችን ከሰፈነ የቅንዓት ኃጢያት ነፃ ሁን።
    5. አገርህን የምትወድና ላገርህ ህይወትን አሳልፈህ ለመሥጠት የተሰናዳህ ሁን።
    6. አባትና እናትህን በእድሜ ከአንተ የሚበልጡንም አክብር
    7. በስራና በጨዋታ አጥብቀህ ቅን ሁን።

    ባጭሩ ሌሎች ላንተ ሊያደርጉልህ እንደምትፈልግ አንተም ለሌሎች እንዲሁ አድርግ፤ ሁሉን ባንድ ቃል ብናስረው እውነተኛ ሰው ሁን። አሁን እንግዲህ ስራችሁ እንዲከናውንላችሁ አጥብቄ እየተመኘሁላችሁ አደራ አሳልፌ እሰጣችኋለሁ። እነሱም ጤናማዎች የብርሃን ሰዎች ልጆች ሆናችሁ እንድታድጉ እንደሚያግዙዋችሁ አልጠራጠርም።

    ደጉ ቸሩ አልጋ ወራሻችን ብዙ ጊዜ የተመረቁ ይሁኑ፤ እግዚአብሔር ጤና፣ ጥበብ ኃይል ይስጣቸው።
    እድሜ ላልጋ ውራሻችን። "

    ምንጭ  
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)
  • loader Loading content ...
  • @Tariku   1 year ago
    በኢትዮጵያ ወጣቶች የስልጣኔ ትምህርት ቤት ማቋቋም አስፈላጊ መሆኑን የተረዱት ግርማዊ ንጉሰ ነገስት ቀዳማዊ ኃይለስላሴ (በዚያን ጊዜ የኢትዮጵያ መንግስት አልጋ ውራሽና እንደራሴ ልዑል ተፈሪ መኮንን ሲባሉ ሳሉ) አንድ ተማሪ ቤት በ፲፱፻፲፭ (1915) ዓም በዘመናዊ አሰራር አሰናዱ። ትምህርት ቤቱም "ተፈሪ መኮንን ተማሪ ቤት" ተብሎ በስማቸው ተጠራ።

     
                  የመጀመሪያው የተፈሪ መኮንን ትምህርት ቤት  
     

    ስለአዳሪዎች ተማሪዎች ለመኝታ የሚሆን ባለ ሶስት ፎቅ አንድ ትልቅ ቤት በ፲፱፻፲፮ (1916) ዓም ተሰራ። በዚህ አመት ዳግመኛ ለተማሪ ቤቱ ግቢ 25 ሄክታር መሬት ተከልሎ ዙሪያው አጥሩ በደንጊያ ካብ ታጠረ። በዚያ ዘመን ልዑል አልጋ ወራሽ ተፈሪ መኮንን አውሮጳን ለማየት ሄደው ነበርና እዚያው ሳሉ የተማሪ ቤቱ ስራ በፍጥነት እንዲፈፀም ትእዛዝ አስተላልፈው ስለነበረ ደጅ አጋፋሪው ፊታውራሪ ገብረ ማርያምና የስራው ሹም ግራዝማች ወልደ ዮሐንስ ወልደ አብ በብርቱ ትጋት አሰርተው ስራው እንዲፈፀም አደረጉ። ልዑል አልጋ ወራሽ ተፈሪ መኮንን ከአውሮፓ ተመልሰው አዲስ አበባ በገቡ ጊዜ ስራውን ጎብኝተው ከፍፃሜው ደርሶ ስላሳያቸው እግዚአብሔርን አመሰገኑ።

    ለትምህርት ስራ የሚያስፈልጉት መፃህፍትና ልዩ ልዩ ዓይነት መሳሪያዎች ከአውሮፓ እንዲመጡ ትእዛዝ ተደርጎ ነበርና እቃዎቹ በጥር ወር  ፲፱፻፲፯  (1917 ዓም አ ዲስ  አበባ  ደረሰ።  ከዚህም በኋላ ልዑል አልጋ ወራሽ ተፈሪ መኮንን የተማሪ ቤቱን ደንብ በ፶፫ (53) አንቀፅ አዘጋጅተው ስለሠጡ በብርሃንና ሰላም ጋዤጣ ታትሞ ህዝብ እንዲያውቀው አደረጉ። ሚያዚያ 19  1917   ዓም  ክቡራን ሚኒስትሮች፣ መኳንንትና ወይዛዝር፤ ኮር ዲፕሎሎማቲክና ታላላቅ የውጭ አገር ሰዎች ሁሉ በተገኙበት ልዑል አልጋ ወራሽ ተፈሪ መኮንን ተማሪ ቤቱን መርቀው ከፈቱ።

    በዚያ በመጀመሪያው ጊዜያት የአዳሪዎች ተማሪዎች ቁጥር 30 ሲሆን፣ የተመላላሾች ቁጥር 50 አይበልጥም ነበር። የነበሩት መምህራንና ሹማምንት ደግሞ የሚከተሉት ነበሩ።
    1. ክቡር ሐኪም ወርቅነህ እሸቴ፣ ዋና ሹም
    2. አቶ መርስኤ ኀዘን ወልድ ቂርቆስ፣ የግዕዝና የአማርኛ አስተማሪ
    3. ሙሴ ጃን ጎዮን፣ ዳይሬክቴር፣ የፈረንሳይኛ አስተማሪ
    4. አቶ ተዐውቀ ሀብተ ወልድ ፣ የፈረንሳይኛ አስተማሪ
    5. ሙሴ ፖል፣ ላቡርዳሪ፣ የፈረንሳይኛ አስተማሪ
    6. ሙሴ ናልባነዲያን፣ የሚዚቃ አስተማሪ
    7. አቶ ኤፍሬም ተወልደ መድኅን፣ የእንግሊዠኛ አስተማሪ
    8. ሙሴ ፓፓዚያን፣ የስዕል አስተማሪ
    9. አቶ መንገሻ ከፈላ
    10. አቶ ደምሴ ወልደየስ፣ ዋና ፀሃፊ

    በዚሁ የመጀመሪያ አመት የተማሪዎች ምግብ ከልዑል አልጋ ወራሽ ግቢ በተለይ እየተሰናዳ ይመጣ ነበርና የተማሪዎች ምቾት ከመጠን ያለፈ ነበር። ተማሪ ቤቱ በዚያ በመጀመሪያው ሰዓት እንኳን በተለየ የራሱ መዝሙር ነበረው። ከዚያ በፊት በአማርኛ የተፃፈ መዝሙር መዘመር አልተጀመረም ነበርና የተፈሪ መኮንን ተማሪ ቤት መዝሙር በተዘመረ ጊዜ እንደ ብርቅ ሆኖ ታየ። መዝሙሩ የተደረሰው ወዲያው ትምህርት ቤቱ እንደተከፈተ በእንግሊዝኛ አስተማሪው አቶ እፍሬም ተወልደ መድህን ነበር። መዝሙሩም የሚከተለው ነበር።
    የኢትዮጵያን ብርሃን፤
    ዘለዓለም ያኑርልን፤
    የነፃነት አምባችንን፤
    አምላክ ይጠብቅልን።
       ለሦስቱ ቀለሞች ጽናት፤
         ላገር ለህዝባችን ልማት፤
         እውቀት እውነት ሊነግሱብን።
         ተፈሪን ያኑርልን።
    የተ.መ.ተ.ቤ. ተማሪዎች፤
    ለነፃነት ብሎ መሞት፤
    ይህ ነው የኛ ዋናው የኛ ምኞት፤
           ለሦስቱ ቀለሞች ፅናት
           ላገር ለህዝባችን ልማት።
           እውቀት እውነት ሊነግሱብን፣
           ተፈሪን ያኑርልን።
    ተፈሪ መኮንን ባፀደቁት የተማሪ ቤቱ ደንብ አስተማሪዎች የሚያርፉበት የበአል ቀን እንደሚከተለው ነበር።
    1. እሁድ በየሳምንቱ
    2. መስከረም ፩ ቀን አዲስ አመት
    3. መስከረም ፲፮ ቀን በዓለ መስቀል
    4. ታህሳሥ ፳፱ ቀን በሃለ ልደት
    5. ጥር ፲፩ ቀን፣ በዓለ ጥምቀት
    6. ጥር ፳፩ ቀን፣ አስተርእዮ በዓለ ማርያም
    7. የካቲት ፳፫ ቀን፣ የመንግስት በዓል
    8. በዓለ ስቅለት
    9. ቅዳሜ ሥዑር (ከስቅለት በኋላ ያለው ቅዳሜ)
    10. በዓለ ትንሳኤና ስምንቱ ቀን በዓለ ፋሲካ
    11. የአውሮጳ የልደት በዓል
    12. የአውሮፓዎች ዘመን መለወጫ
    13. የአውሮፓዎች ስቅለትና ፋሲካ

    ደግሞ ከሐምሌ ፩ ቀን እስከ መስከረም ፩ ቀን ሁለት ወር ሙሉ የትምህርት ቤቱ ይዘጋልና እረፍት ያደርጋሉ። ከዚህ በላይ ከተቆጠሩት ቀኖች በቀር አስተማሪዎች ሁሉ በተወሰነ ሰዓት ወደ ትምህርት ቤት እየገቡ ያስተምራሉ።

    ምንጭ
        የተፈሪ መኮንን ትምህርት ቤት አጭር ታሪክ (ብርሃንና ሰላም ማተሚያ ቤት)

  • loader Loading content ...
  • @Tariku   1 year ago
    (ማስታዎሻ -- ሁሉም ዓመተ ምህረቶች የተገለፁት እንደ ኤሮፓውያን አቆጣጠር ነው።)  

    ግንቦት 10 ቀን 1946 ዓም ፈረንሳይና መስኮብ በመተባበር ለአዲሲቷ ጣልያን ቅኝ ግዛቶቿ ካልተመለሱላት ብለው እንደጮሁት ሁሉ፣ ከአንድ ወር በኋላ እንግሊዝና አሜሪካ በአንድነት ሆነው፣ ጣልያን ወደ ቅኝ ግዛቶቿ መመለስ አትችልም አሉ። ይህ የአንግሎ አሜሪካኖች አቋም በጠለቀ ጥናት ላይ የተመሰረተ መሆኑን ሶቪየት ህብረትና ፈረንሳይ እንዲያምኑበት የደረደሯቸው ዋና ዋና ምክንያቶች የሚከተሉት ናቸው።

    "...የሊቢያ፣ የኤርትራና የሱማሌ ህዝቦች የቀድሞውን የጣልያን አስተዳደር የማይቀበሉ መሆናቸውን ለታላቋ ብሪታንያ መንግስት ደጋግመው አመልክተዋል። የህዝቡን ጥያቄ ችላ ብለን፣ ህዝቡ የማይፈልገውን በግዴታ ተቀበል ብለን ብንወስን በየአገሩ ብጥብጥና እልቂት እንዲፈጠር በር መክፈት መሆኑ መታወቅ አለበት።...የዓረብ አገሮች ጣልያን ወደ ሊቢያ ይመለሳል የሚል ዜና ሰምተው፣ ከፍ ያለ ተቃቅሞ ለመግለፅ ትብብራቸውን በማዘጋጀት ላይ መሆናቸውን ሰምተናል። እንደ እውነቱ ከሆነ፣ ከሶስት አመት በፊት ሊቢያን ከጣልያን እጅ ለማስለቀቅ በተደረገው ውጊያ ዓረቦቹ ከታላቋ ብሪታኒያ ጦር ጋር ተሰልፈው የተዋጉ ስለሆኑ፣ ዛሬ እነሱን የሚያሳዝን እርምጃ መውሰድ የለብንም።...በጠቅላላው ጣልያን ወደ ቅኝ ግዛቶቿ እንድትመለስ ብናደርግ በየአገሩ ከሚፈጠረው ከፍተኛ ቋሚ ችግር ስለሚሆን፣ ከዚህ ቀጥሎ በሚቀርበው ረቂቅ መፍትሄ ላይ ተነጋግረን ሁላችንም ብንስማማ በአለም ህዝብ ዘንድ የጨዋ ውሳኔ ሆኖ ይቆጠራልናል።...

    1. ከጣልያን ጋር በሚደረገው የዕርቅ ውል ላይ የአዲሲቷ ሬፑብሊክ መንግስት የቀድሞዎቹን ቅኝ ግዛቶቹን ሊቢያን፣ ኤርትራንና ሷሌን በገዛ ፈቃዱ መልቀቁን እንዲያረጋግጥ
    2. ውሉ ተፈርሞ በስራ ላይ ከሚውልበት ቀን ጀምሮ በአንድ አመት ጊዜ ውስጥ አራቱ ኃያላኖች በእያንዳንዱ ቅኝ አገር መርማሪ ኮሚሽን ልከው የሕዝቡን ፍላጎት ከተረዱ በኋላ፣ የአብዛኛውን ህዝብ ጥያቄ በማክበር ተገቢውን ውሳኔ እንዲሠጡ።
    3. በዚህ በተወሰነው በአንድ አመት ጊዜ ውስጥ አራቱ ኃያላኖች ተስማምተው አንድ ውሳኔ መስጠት ካቃታቸው ጉዳዩን ለተባበሩት መንግስታት ድርጅት አቅርበው እንዲያስወስኑ፣... የሚጠይቅ ነበር።"
    ይህ መሰረተ ሃሳቡ በአሜሪካ መንጭቶ በታላቋ ብሪታኒያ ኤክሥፐርቶች የተቀነባበረው ውሳኔ የፈረንሳይንና የመስኮብን እቅድ የሚያፈርስ፣ ጣልያንን ከፍ ያለ የሞራል ውድቀት ላይ የሚጥል፣ ለኢትዮጵያ ኤርትራን ለማግኘት ተስፋ የሚሰጥ፣ የአረብ አገሮችን በሊቢያ ምክንያት የሚያስደስትበት ሆኖ ተገመተ።

    የፈረንሳይ መልእክተኞች መሪ ዦርዥ ቢዶ እነዚህ በጣልያን ቅኝ አስተዳደር የኖሩ ህዝቦች፣ ለወደፊት እድላቸው ፍላጎታቸው ምን እንደሆነ ሊጠየቁ ይገባል የተባለው ሃሳብ በተግባር ላይ ሊገለፅ የማይችል አጉል ቲዎሪ ነው በማለት አራከሰ። የሶቪየት መልእክተኛ ግን የየአንዳንዱ ቅኝ አገር ህዝብ አስተያየቱ መታወቅ አለበት ተብሎ ከካፒታሊሥቱ የቀረበውን ሃሳብ አፍ አውጥቶ ለመቃወም አልተመቸውም። አሰሪዎች ሳይሰሩ በድሎት እየተቀማጠሉ፣ ሰራተኞች እየለፉ በድህነት እየተቆራመዱ የሚኖርበትን አለም ለመለወጥ የሬቮሉሽን ጦር ታጥቄያለሁ ብሎ የሚፎክር መንግስት ህዝብ የራሱን እድል በራሱ የመወሰን መብት አይገባውም ለማለት አይደፍርም። ሙሴ ኒየት እንደ ልማዱ በእነ ቤቨን የሚዘጋጀው ትንሥስ ለደሃው መርዝ ነው እያለ በመሳደብ፣ የቀውረበውን መፍትሄ እቃወማለሁ ለማለት ከማይችልበት ሁኔታ ላይ ወደቀ። ሆኖም ሞስኮብና ፈረንሳይ እየተቀባበሉ፣ በተዘጋጀው ረቂቅ መፍትሄ ላይ አንዳንድ ወልጋዳ ምክንያቶችን በመደንቀር አንግሎ ሳክሶኖችን ለማበሳጨትና ውሳኔውንም ለማዘግየት ብዙ ጥረት አደረጉ።

    እንግሊዙ ቤቨንና አሜሪካዊው በርንስ ፕላናናቸው እንዲፀድቅላቸው፣ የቅኝ ግዛቶቹ ጉዳይ ውሳኔው ለአንድ አመት እንዲቆይ በመደረጉ የሚሰጠው ጥቅም አራቱ ኃያላኖች የየአገሩን ህዝብ አስተያየት መርምረው ለማወቅ የሚያስችላቸው ከመሆኑም በላይ ጉዳዩን በእርጋታ ለማጥናትና ለዘለቄታው የሚስማማ መፍትሄ ለመሥጠት ይረዳቸዋል እያሉ፣ የማግባቢያ ዲስኩራቸውን ቀጠሉ።

    ነገሩ በእንዲህ እያለ በጣልያን አገር በታሪክ ለመጀመሪያ ጊዜ ህዝቡ በቀጥታ የሚካፈልበት ትልቅ የፖለቲካ መርጫ የሚደረግበት ዘመን ነበር። ውጤቱም የሞስኮብ መንግስት የተመኘውና ያደረገው ትንቢት ሳይደርስለት ቀረ። በትልቁ የፓርላማ ምርጫ ከአምስት መቶ ሃምሳ ስድስት (556) መቀመጫዎች ውስጥ፣ ኮሚኒስቶቹ ያገኙት አንድ መቶ አራት (104) ወንበሮች ብቻ በመሆናቸው ከጠቅላላው ቁጥር ጋር ሲመዘን ሃያ ነጥብ በመቶ (20%) እንኳን ሳይሞላ ቀሩ። ከጥቂት ወራቶች በፊት በፈረንሳይ አገር የተደረገው ተመሳሳይ የፓርላማ ምርጫ ውጤት፣ ከጣልያን ጋር ሲመዘን የተሻለ ሆኖ ተገኘ። አምስት መቶ ሰባ  (570) ከሚሆኑት የፓርላማ አባሎች ውስጥ የፈረንሳይ ኮሙኒስቶች መቶ ስልሳ ወንበሮች በማግኘታቸው ከጠቅላላው ቁጥር ሃያ ዘጠኝ ነጥብ በመቶ (29%) ደርሰው ነበር።  በዚህ  አኳ ኋን  ብዙ  ተስፋ  የተደረገበት  ጣልያን  ምርጫ  ውጤት ፣  ከተ ጠበ ቀው  በጣም  ወርዶ  መገኘቱ  ስለ  አበ ሣጫ ቸው  እነ  ሙሴ  ኒየት  ከፍ  ያለ  እርዳታ  ጭነው  ወደ  ሮማ  የጀመሩትን  ጉዞ  በድን ገት  አቋር ው  " ቀኝ  ኋላ  ዙር ማለት  ግዴታ  ሆነባቸው

    ስለ ጣልያን ቅኝ ግዛቶች ጉዳይ አንግሎ አሜሪካኖች ባቀረቡት መፍትሄ የህዝብ መብት ተቆርቋሪ መስለው መታየታቸው የረቀቀ ተንኮል ነው ብሎ ቢያምንም የሶቪየት የውጭ ጉዳይ ሚኒስትር በጣልያን የምርጫ ውጤት ምክንያት ሃሳቡን ገልብጦ፤ ከነ ቤቨን ጋር ከመስማማት በቀር ሌላ መንገድ ሳይኖረው ቀረ። ፈረንሳይም ጓደኛዋ ሲከዳት ብቻዋን መቅረቷ ምንም ጥቅም እንደሌለው ስለተገነዘበች፣ እየቀፈፋት በአንግሎ አሜሪካ ሃሳብ ለመስማማት ተገደደች።

    ጣልያን የቀድሞ ቅኝ ግዛቶቿን ሊቢያን፣ ኤርትራንና ሱማሌን በገዛ ፈቃዷ መልቀቋን በሚሰናዳላት የእርቅ ውል ላይ እንድትፈርም፣ የአራቱ ኃያላን የውጭ ጉዳይ ሚንስትሮች ቤቨን፣ በርንስ፣ ሞልቶቭ፣ ቢዶ (BEVIN, BYRNES, MOLOTOV, BIDAULT) ሐምሌ 12 ቀን 1946 ዓም በአንድ ቃል ተስማመተው፣ በዚሁ ወር መጨረሻ ላይ በፓሪስ በሚደረገው የሀያ አንድ አገሮች የሰላም ጉባኤ እንዲያፀድቀው አስተላለፈ።

    ምንጭ   
      የኤርትራ ጉዳይ በኃይለሥላሴ ዘመነ መንግስት (አምባሳደር ዘውዴ ረታ)
  • loader Loading content ...
    Load more...
loader Loading content ...

Comments (4)


loader Loading content ...